قر مادەنيەت جانە سپورت مينيسترلىگىنىڭ تاپسىرىسى بويىنشا ش.ايمانوۆ اتىنداعى «قازاقفيلم» كينوستۋدياسى تۇسىرگەن ء«تۇن قۇدايى» ءفيلمى ساحالين حالىقارالىق «جەردىڭ قيىرى»(«كراي سۆەتا») كينوفەستيۆالىنىڭ بايقاۋدان تىس «كورشىلەر/دوستار» اتتى باعدارلاماسىندا كورسەتىلەدى. فەستيۆال وڭتۇستىك-ساحاليندە تامىزدىڭ 24 مەن 31 ارالىعىندا ساحالين گۋبەرناتورىنىڭ قولداۋىمەن وتەدى.
كينوفەستيۆال ۇيىمداستىرۋشىلارى: «جەر تۇبىندە شىققان ۇلكەن كينو الەمىنىڭ جاڭعىرىعى» جانە «باتىستىڭ قويعان ساۋالىنا شىعىستىڭ قايتارعان جاۋابى» دەپ باعامدايدى وزدەرىن. ء«تۇن قۇدايىنان» بولەك «جەر قيىرىنىڭ» نەگىزگى بايقاۋىندا رەجيسسەر ەرجانوۆتىڭ باسقا دا ءفيلمى – «الەمنىڭ مەيىرىمدى ەنجارلىعى» (ش.ايمانوۆ اتىنداعى «قازاقفيلم» اق جوباسى ەمەس) قاتىسىپ وتىر.
«نەگىزگى بايقاۋعا ولار ءداستۇرلى كينوتىلدە تۇسىرىلگەن فيلمدەردى قابىلدايدى, «الەمنىڭ مەيىرىمدى ەنجارلىعى» وسى فورماتقا سايكەس كەلەدى. ال ء«تۇن قۇدايى» - سيۋجەت لوگيكاسىن ەلەمەي, وبراز تازالىعىن كورسەتۋگە تىرىسقان ەكسپەريمەنتالدى باعىتتاعى ءفيلمىم. قاتارىنان ەكى ءفيلمىم فەستيۆالگە قاتىسىپ وتىرعانى قۋانتادى, ويتكەنى ولار فورماسى مەن مازمۇنى جاعىنان ءبىر-بىرىنە قايشى فيلمدەر», - فەستيۆالگە قاتىسۋى تۋرالى وسىلاي دەدى رەجيسسەر ءادىلحان ەرجانوۆ.
نەگىزگى كونكۋرس جانە «كورشىلەر/دوستار» باعدارلاماسىنان باسقا فەستيۆال اياسىندا ينگمار بەرگماننىڭ رەتروسپەكتيۆاسى, ازيالىق جانە رەسەيلىك انيماتسيا كورسەتىلىمدەرى وتەدى. جانە قازىلار القاسى - رەجيسسەرلەر كىشى الەكسەي گەرمان, الەكسەي پوپوگرەبسكي جانە تامينەح ءميلانيدىڭ, ستسەناريستەر و چجۋن-مي جانە اكتريسا ماريا شۋكشينانىڭ فيلمدەرى كورسەتىلەدى.