ۇلتتىق مۋزەيدە «شىعىس كۇنتىزبەسى» اتتى تايۆان سۋرەتشىلەرىنىڭ گرافيكالىق جۇمىستارىنىڭ كورمەسى اشىلدى.
تايۆان سۋرەتشىلەرىنىڭ گرافيكالىق جۇمىستارى بۇعان دەيىن رەسەيدىڭ مۇراجايلارى ارقىلى 2017 جىلدىڭ سوڭىندا نوۆوسىبىردە, يركۋتسك كوركەمسۋرەت مۇراجايىندا, سودان كەيىن توم كوركەمسۋرەت مۇراجايىندا كورمەگە ۇسىنىلعان. بۇل كورمەگە 12 سيمۆولدان تۇراتىن تايۆان سۋرەتشىلەرىنىڭ 83 گرافيكالىق جۇمىستارى ۇسىنىلىپ وتىر.
تايۆان ۇلتتىق بەينەلەۋ ونەرى مۇراجايىندا جىل سايىن جىل باسى بەينەلەنگەن سۋرەتتەر اراسىندا بايقاۋ ۇيىمداستىرىلادى. شىعىس كۇنتىزبەسىندە 12 تاڭبا بار: ەگەۋقۇيرىق, بۇقا, جولبارىس, قويان, ايداھار, جىلان, جىلقى, ەشكى, مايمىل, تاۋىق, يت, شوشقا. 12 جىلدىق بالامالى جانۋارلار بەلگىلەرى مەن 5 ءتۇرلى ءتۇستى ەلەمەنت (جەر, مەتالل, سۋ, اعاش, ءورت) الپىس جىلدىق تسيكلدى قۇرايدى. سوڭعى تسيكل 1960 جىلعى 28 قاڭتاردا باستالعان.
بۇل بايقاۋ 30 جىلدان بەرى وتكىزىلىپ كەلەدى. اتالعان بايقاۋعا كسيلوگرافيا, ليتوگرافيا, شەلكوگرافيا گرافيكالارىن باسىپ شىعارۋ ءۇشىن باسپا گرافيكاسىنىڭ ءارتۇرلى ادىستەمەلەرى بويىنشا جۇمىس ىستەيتىن شەبەرلەر شاقىرىلادى. جۇمىس زاماناۋي تسيفرلى تەحنولوگيالاردى قولدانۋ ارقىلى جۇزەگە اسىرىلادى. بايقاۋعا قاتىسۋشىلاردىڭ جاسىنا ەشقانداي شەكتەۋلەر قويىلمايدى.
سوڭعى 33-ءشى كونكۋرس 2018 – يت جىلىنا ارنالدى. يت جىلى شىعىس كۇنتىزبەسىندە ەڭ قولايلى جىل بولىپ سانالادى. ال 2019 جىلى 60 جىلدىق تسيكل شوشقا بەلگىسىمەن قورىتىندىلانادى. «شىعىس كۇنتىزبەسى» كورمەسى اياقتالعاندا بىرنەشە تايۆان سۋرەتشىلەرىنىڭ تۋىندىلارى ۇلتتىق مۋزەيدىڭ قورىنا تابىستالماق.
باعاشار تۇرسىنباي ۇلى, «ەگەمەن قازاقستان»