كەدەن وداعىنىڭ نارىعىنا سىرتتان اكەلىنەتىن اۆتوكولىكتەر ءۇشىن باج سالىعىنىڭ جارناسى تومەندەيدى, دەپ حابارلايدى ەۋرازيا ەكونوميكالىق كوميسسياسىنىڭ سايتى.
1 قىركۇيەكتەن باستاپ جاڭا كولىكتى اكەلۋ ءۇشىن ونىڭ كەدەندىك قۇنىنان 17% جارنا تولەۋ مىندەتتەلەدى. وسىدان بىرنەشە جىل بۇرىن ۇقساس باج سالىعى 23% قۇراعان ەدى. 5-7 جىلدان استام قولدانىستا بولعان كولىكتەردى اكەلۋ ءۇشىن باج سالىعىنىڭ قۇنى 22% بولادى. كەلەسى جىلى كولىكتەردى سىرتتان اكەلۋگە سالىناتىن باج سالىعىنىڭ جارناسى 15% دەيىن تومەندەۋى مۇمكىن. سالىقتىڭ جاڭا جارنالارى ەاەو اۋماعىنا تۇگەل تارايدى. ەاەو كەڭەسىنىڭ شەشىمىنە سايكەس, كولىك باجىنان باسقا وزگە دە تاۋارلاردىڭ 95-تەن استام تۇرىنە سالىناتىن تاريفتەردىڭ قۇنى تومەندەيتىن بولادى.