وبلىس اكىمدىگىندە ايماق باسشىسى بەردىبەك ساپارباەۆتىڭ توراعالىعىمەن وتكەن جيىندا جاڭا وقۋ جىلىنا دايىندىق بارىسى قارالدى.
جيىن بارىسىندا وبلىس اكىمى مەكتەپتەر مەن بالاباقشالارداعى قۇرىلىس-جوندەۋ جۇمىستارىنىڭ ۋاقىتىلى اياقتالۋىنا, سونداي-اق وقۋلىقتارمەن تولىق قامتاماسىز ەتۋگە نازار اۋداردى.
بيىلعى جىلى وبلىستا 9 490 وقۋشىعا ارنالعان 26 مەكتەپ سالىنۋدا. ولاردىڭ سەگىزى 1 قىركۇيەككە دەيىن اشىلادى دەپ كۇتىلۋدە. بارلىعى اعىمداعى جىلدىڭ قورىتىندىسى بويىنشا 15 مەكتەپ پايدالانۋعا بەرىلەدى. 1,5 ملرد. تەڭگەدەن استام سوماعا 68 ءبىلىم بەرۋ مەكەمەسىندە ورتاشا جانە كۇردەلى جوندەۋ جۇمىستارىن جالعاستىرۋدا.
سونىمەن قاتار 2018-2019 وقۋ جىلىنا ارنالعان وقۋلىقتاردى ساتىپ الۋعا 1,6 ملرد تەڭگە ءبولىندى. ولاردى ءبىلىم بەرۋ ۇيىمدارىنا جەتكىزۋ 25 تامىزعا دەيىن اياقتالاتىن بولادى. 1 قازانعا دەيىن اۋىل مەكتەپتەرى مەن بالاباقشالاردى جىلىتۋعا ارنالعان سۇيىق جانە قاتتى وتىندى جەتكىزۋ جۇمىستارى اياقتالادى.
ءبىلىم باسقارماسىنىڭ باسشىسى ءلاززات ورازباەۆانىڭ بايانداماسىن تىڭداپ, وبلىس اكىمى جۇمىستى كۇشەيتۋدى جانە بارلىق باعىتتار بويىنشا قاتاڭ باقىلاۋدى قامتاماسىز ەتۋدى تاپسىردى. سونىمەن قاتار, «مەكتەپكە جول» قايىرىمدىلىق اكتسياسىمەن جۇمىستى جانداندىرىپ, مۇمكىندىگىنشە كوپ بالالاردى قامتۋ تاپسىرىلدى.
- وقۋ جىلىنىڭ باستالۋىنا قاتىستى بارلىق سۇراقتار تۇراقتى باقىلاۋدا بولۋى كەرەك. سونداي-اق 1 قىركۇيەككە دەيىن بارلىق مەكتەپتەردى سپورتتىق قۇرال-جابدىقتارمەن قامتاماسىز ەتىپ, ماتەريالدىق-تەحنيكالىق بازانىڭ بارىنشا جاڭارتىلۋىن قاداعالاڭىز, - دەدى وبلىس باسشىسى.
سونىمەن قاتار, جيىن بارىسىندا «تۋعان جەرگە تاعزىم» اكتسياسىنىڭ ورىندالۋ بارىسى قارالدى. اعىمداعى جىلى ايماقتا جوبا اياسىندا جالپى سوماسى 3,3 ملرد. تەڭگە بولاتىن 778 جوبا جۇزەگە اسىرىلۋى ءتيىس. 7 ايدىڭ قورىتىندىسى بويىنشا قۇنى 1,2 ملرد. تەڭگەنىڭ 502 جوباسى اياقتالدى.