مەملەكەت باسشىسى وڭىردەگى ىرگەلى ىستەرمەن تانىسىپ, وبلىس اكتيۆىمەن كەزدەسەدى دەپ كۇتىلىپ وتىر. سونداي-اق وبلىستىڭ الەۋمەتتىك-ەكونوميكالىق دامۋ قارقىنىن باقىلايدى.
نۇرسۇلتان نازارباەۆ اتىراۋ وبلىسىنىڭ بىرنەشە الەۋمەتتىك-ەكونوميكالىق نىساندارىن ارالايدى. پرەزيدەنت باراتىن ەڭ العاشقى نىسان – «داۋلەت نان سەرىكتەستىگى». مۇندا ەلباسى نازارىنا نان ونىمدەرىنەن بولەك, كلاستەرلىك نەگىزدە قۇرىلعان كەشەندى ءوندىرىس ورىندارى تانىستىرىلادى.
بۇدان ءارى نۇرسۇلتان نازارباەۆ «ەمبىمۇنايگاز» اكتسيونەرلىك قوعامىنىڭ ينتەللەكتۋالدى جوبالارىن كورەدى. ونىڭ ەرەكشەلىگى قالا ورتالىعىنداعى كەڭسەدەن كەن ورىندارىن قاشىقتان باسقارۋعا بولادى.
سونداي-اق بۇگىن پرەزيدەنت باراتىن نىسانداردىڭ قاتارىندا قارا التىن كەنىشتەرىنە مەتالل بۇيىمدارىن دايىندايتىن تسەح تا بار. سوڭعى ەكى جىلدان بەرى ونداعى ءوندىرىستىڭ ءبىرشاما بولىگى اۆتوماتتاندىرىلعان. مۇندا دانەكەرلەۋشى, توكار سىندى مامانداردىڭ جۇمىسىن روبوت اتقارادى. كاسىپورىننىڭ جىلدىق قۋاتتىلىعى جىلىنا مىڭ توننا مەتالل بۇيىمىن شىعارۋعا مۇمكىندىك بەرەدى.
مەملەكەت باسشىسى نىسانداردى ارالاپ بولعان سوڭ, وبلىس اكتيۆىمەن كەزدەسەدى دەپ كۇتىلىپ وتىر. وندا ايماق باسشىسى نۇرلان نوعاەۆ ەسەپ بەرەدى.