ەلباسى نۇرسۇلتان نازارباەۆتىڭ «بولاشاققا باعدار: رۋحاني جاڭعىرۋ» باعدارلامالىق ماقالاسىنداعى مىندەتتەردى جۇزەگە اسىرۋ جانە «تسيفرلى قازاقستان» جوباسى اياسىندا كوكشەتاۋ قالاسىندا تۇڭعىش ەلەكتروندىق كىتاپحانا-كوۆوركينگ ورتالىعى قىزمەت كورسەتەدى.
جاڭا تەحنولوگيالار زامانىندا ەلەكتروندى تۇردە اقپارات الماسۋ ءبىلىم كوكجيەگىن ودان ءارى كەڭەيتە تۇسۋگە ىقپال ەتەدى. تاياۋدا اشىلعان قالالىق اقپاراتتىق كىتاپحانالار جۇيەسىنىڭ جاڭا كوۆوركينگ ورتالىعى حالىقتىڭ بىلىمگە قۇشتارلىعىن ارتتىرۋعا سەپتىگىن تيگىزەتىنى داۋسىز. جاڭا نىسان وقىرماندارعا قولايلى قىزمەت كورسەتۋ ءۇشىن قاجەتتى گادجەت قۇرالدارمەن جابدىقتالعان. يننوۆاتسيالىق ورىندىقتار كەز كەلگەن تەلەفونعا قوسىلىپ, قاجەتتى اقپارات الۋعا مۇمكىندىك بەرەدى. وسىنىڭ بارلىعى تەگىن ءارى جىلدام ينتەرنەتتىڭ كومەگىمەن جۇمىس ىستەيدى.
ەلەكتروندى كىتاپ ورداسىندا ىزدەۋ جۇيەسى جاساقتالىپ, جاڭا تولىقتىرۋلار ەنگىزىلگەن. قالاعان كىتابىڭىزدى اتاۋىمەن, اۆتورىمەن, باسقا دا دەرەكتەر ارقىلى وڭاي ءارى جىلدام تاۋىپ الۋعا بولادى.
كوۆوركينگ ورتالىعىندا شەبەرلىك ساباقتار, لەكتسيا-سەمينارلار وتكىزۋ جوسپارلانعان. قالا جۇرتشىلىعى وسى ورتالىققا كەلىپ, وزدەرىن تولعاندىرىپ جۇرگەن كەز كەلگەن ماسەلەلەردى تالقىلاپ, جاندى پىكىر الماسۋ الاڭىن وتكىزە الادى.
بايقال ءبايادىل,
«ەگەمەن قازاقستان»
كوكشەتاۋ