ەلوردانىڭ ءبىلىم باسقارماسى قالا مەكتەپتەرى مەن بالاباقشالارى الىپ جيناپ, سانيتارلىق نورمالاردى ساقتامايدى دەلىنگەن شاعىمداردى تەكسەردى. بۇل تۋرالى بۇگىن استانا قالالىق ءبىلىم باسقارماسىنىڭ باسشىسى ءانۋار جانعوزين ايتتى.
«ەلوردانىڭ ءبىلىم باسقارماسى قالا مەكتەپتەرى مەن بالاباقشالارى الىپ جيناپ, سانيتارلىق نورمالاردى ساقتامايدى دەلىنگەن شاعىمداردى تەكسەردى. ناتيجەسىندە 45 باسشىسى ءتۇرلى تارتىپتىك جازعا تارتىلىپ, 9ى قىزمەتىنەن بوساتىلدى»,- دەدى ءانۋار جانعوزين. ونىڭ ايتۋىنشا, باسقارماعا كەلىپ تۇسكەن ءاربىر شاعىم بويىنشا كوميسسيا قۇرىلىپ, ول فاكتىلەردى قاراستىرادى جانە اتا-انالاردان ساۋالناما الادى. «تولىقتاي العاندا, وتكەن وقۋ جىلىنىڭ ىشىندە 70-دەن استام كوميسسيا وتىرىسى ءوتىپ, وعان مەكتەپ ديرەكتورلارى, بالاباقشا مەڭگەرۋشىلەرى قاتىستى. ءبىز بارىنشا جان-جاقتى بولۋعا تىرىسامىز. كوميسسيا تەڭگەرىمدى شەشىم شىعارۋ ءۇشىن ماتەريالداردى تىڭعىلىقتى قارايدى. كوپ جاعدايدا شارالار كورسەتىلەتىن قىزمەت ساپاسىن ارتتىرۋ ءۇشىن قولدانىلادى», - دەدى باسقارما باسشىسى.