«نۇر وتان» پارتياسى الماتى قالالىق فيليالىنىڭ ءباسپاسوز ورتالىعىندا «الماتىدا قالاي باسپانالى بولۋعا بالادى؟» تاقىرىبىندا الماتى قالاسى تۇرعىن ءۇي جانە تۇرعىن ءۇي ينسپەكتسياسى باسقارماسىنىڭ, «قازاقستاننىڭ تۇرعىن ءۇي قۇرىلىس بانكى» اق-نىڭ «باسپانا» يپوتەكالىق ۇيىمىنىڭ باسشىلارىنىڭ قاتىسۋىمەن بريفينگ ءوتتى.
الدىڭعى جىلدارمەن سالىستىرعاندا, بۇگىندە قازاقستاندىقتاردىڭ باسپانالى بولۋىندا بىرنەشە مۇمكىندىك بار. «نۇرلى جەر» جانە «الماتى جاستارى» سەكىلدى اۋقىمدى باعدارلامالار جۇزەگە اسىرىلۋدا. «7-20-25» باعدارلاماسىنىڭ ىسكە اسىرىلۋى بۇل تۇرعىدا ۇلكەن سەرپىن كوتەرەدى. باعدارلاما بويىنشا قابىلدانعان ءوتىنىمنىڭ قارجىسى 15 ميللارد تەڭگەدەن استى. ونىڭ ىشىندە شامامەن 10 ميلليارد تەڭگە ماقۇلداندى, -دەپ اتاپ ءوتتى «نۇر وتان» پارتياسى الماتى قالالىق فيليالى توراعاسىنىڭ ورىنباسارى, قالالىق ءماسليحاتتىڭ دەپۋتاتى ستانيسلاۆ كانكۋروۆ.
«7-20-25» باعدارلاماسىنىڭەڭ بەلسەندى قاتىسۋشىلارى الماتى قالاسىنىڭ تۇرعىندارى بولىپ تابىلادى. ماقۇلدانعان 10 ميلليارد 4 ميلليارد تەڭگەگە يپوتەكالىق نەسيەلەردى الماتىلىقتارعا بەرىلەدى. جىلدىڭ اياعىنا دەيىن 20 ميللياردتان تەڭگەگە قارىزدار بەرۋ جوسپارلانىپ وتىر.
باعدارلاماعا مەنشىك قۇقىعىندا باسپاناسى جانە باسقا دا يپوتەكالىق قارىزدارى جوق قازاقستاننىڭ ءاربىر ازاماتى قاتىسا الادى. باعدارلاما قاتىسۋشىسىنىڭ كاسىپكەرلىك نەمەسە ەڭبەك قىزمەتىنەن تۇراقتى راستالعان كىرىسى بولۋعا ءتيىس.
قارىز الۋشى ەڭبەك نەمەسە كاسىپكەرلىك قىزمەتتەن كىرىسىنىڭ بولۋىن راستايتىن قۇجاتتاردى, يپوتەكالىق تۇرعىن ءۇي قارىزدارى بويىنشا وتەلمەگەن بەرەشەگىنىڭ بولۋى تۋرالى مالىمەتتى, تۇرعىن ءۇيىنىڭ بولماۋى تۋرالى انىقتامانى, ساتىپ الاتىن تۇرعىن ءۇي قۇجاتتارىن جانە تاۋەلسىز باعالاۋشىنىڭ باعاسىن ۇسىنۋعا ءتيىس.
«قازاقستاننىڭ تۇرعىن ءۇي قۇرىلىس جيناق بانكىنىڭ» اقپاراتى بويىنشا ءار 11-ءشى الماتىلىق تۇرعىن ۇيگە اقشا جيناۋدا. جالپى قتقجب-ءنىڭ الماتى قالالىق فيليالىندا 90,9 ملرد تەڭگە سوماسىنا 164000 دەپوزيت اشىلدى. قازىرگى تاڭدا الماتىدا 25897 ادام باسپانالى بولدى.
الماتى قالاسىندا بانكتىڭ فيليالدارىنا اي سايىن كەڭەس الۋ ءۇشىن 25000 ادام جۇگىنەدى.ورتاشا ەسەپپەن العاندا الماتىدا اي سايىن 3,8 ملرد تەڭگەنى قۇرايتىن سومماعا بانك 350 قارىزدار بەرەدى. «نۇرلى جەر» باعدارلاماسى اياسىندا بيىلعى جىلى – 1 546, ال 2019 جىلى -1 539 ادامباسپانا الادى. «الماتى جاستارى» باعدارلاماسى بويىنشا 2018 جىلى 35 جاستان اسپايتىن الماتىلىقتارعا بانك 200 جەڭىلدىكتى نەسيە بەرۋدى جوسپارلاپ وتىر.
الماتى قالاسى تۇرعىن ءۇي جانە تۇرعىن ءۇي ينسپەكتسياسىنىڭ باسقارماسى حابارلاعانداي, 2018 جىلدىڭ 1-ءشى جارتىجىلدىعى بويىنشا 808 پاتەر بولىنگەن. جىل سوڭىنا 1500 گە جۋىق پاتەر بولىنەدى دەپ جوسپارلانۋدا. 2017 جىلى تۇرعىن ءۇي باسقارماسى باسقارماسى كەزەكتە تۇرعانداردىڭ زو پايىزىنىڭ تۇرعىن ءۇي ماسەلەسىن شەشىپ, رەكوردتىق 5885 پاتەر ءبولدى.
2018 جىلعى 1 تامىز كورسەتكىشى بويىنشا, الماتى قالاسى بويىنشا تۇرعىن ءۇي كەزەگىندە 22819 ادام تۇر (2017 ج 1 قاڭتار 18255 ادامدى قۇرادى). بريفينگكە قاتىسۋشى جاستار ەرەكشە قۇلشىنىسپەن ساۋال تاستايدى. ولاردىڭ كوكەيىندە ەرتەڭگە دەگەن سەنىمدى سەرپىن تۇرعانداي ەكەنىن اڭعاراسىز.
ساپارباي پارمانقۇل,
«ەگەمەن قازاقستان»
الماتى