اتىراۋ وبلىسىندا قۇرىلىس سالاسىنىڭ ۇزدىكتەرىنە قۇرمەت كورسەتىلدى

ءوز سوزىندە ءوڭىر باسشىسى ازاماتتاردىڭ ءومىر ءسۇرۋ ساپاسى مەن ماڭىزدى مەملەكەتتىك مىندەتتەردى شەشۋ سالانىڭ جۇمىس نəتيجەلەرىنە تىكەلەي بايلانىستى ەكەنىنە باسا نازار اۋدارىپ, قۇرىلىستى رەسپۋبليكانىڭ ەكونوميكالىق دامۋىنىڭ لوكوموتيۆتەرىنىڭ ءبىرى دەپ اتادى. ول بۇگىنگى كۇنى قۇرىلىس سالاسىن دامىتۋ ءۇشىن كوپ مۇمكىندىكتەر جاسالىپ جاتقانىنا توقتالدى.

-سىزدەر ەل ەكونوميكاسىنا وراسان زور ۇلەس قوسىپ وتىرسىزدار. وتكەن كەزەڭدەردە قانداي تەحنولوگيالار پايدالانىلعانى قۇرىلىس سالاسىنىڭ ارداگەرلەرىنىڭ ەسىندە. قازىر مەملەكەت باسشىسىنىڭ ساياساتىنىڭ ارقاسىندا ءبىز بۇل سالاعا جاڭا تەحنولوگيالاردى تارتۋدامىز, جاڭا ماتەريالداردى پايدالانۋدامىز, مۇنىڭ بارلىعى سالىنىپ جاتقان əلەۋمەتتىك وبەكتىلەر مەن ينفراقۇرىلىمنىڭ ساپاسىن جاقسارتۋعا ىقپال ەتەدى. بۇل بىرەگەي ارحيتەكتۋرالىق قۇرىلىس سالۋعا مۇمكىندىك بەرەدى, -دەدى نۇرلان نوعاەۆ.

2018 جىلى وڭىردە 3892 پəتەرلىك 44 كوپ قاباتتى تۇرعىن ءۇيدىڭ قۇرىلىسى باستالدى, 34 ءۇي وسى جىلى پايدالانۋعا بەرىلەدى. وبلىس ورتالىعىندا 39 ءۇيدىڭ قۇرىلىسى جۇرگىزىلۋدە, قالعاندارى اۋدانداردا. بۇل تۇرعىن ءۇي قۇرىلىسىنىڭ رەكوردتىق كورسەتكىشى, وڭىردەگى تəۋەلسىزدىك جىلدارىنداعى ەڭ ۇلكەن تۇرعىن ءۇي كولەمى ەكەنىن اتاپ وتكەن ءجون. مۇنان باسقا بۇگىنگى كۇنى وبلىستا 3214 ورىندىق 16 بالاباقشا سالىنۋدا, ونىڭ 14 -ءىن جىلدىڭ سوڭىنا دەيىن اياقتاۋ جوسپارلانۋدا. وقۋ ورىندارىنىڭ قۇرىلىسى بەلسەندى جالعاسۋدا. 2018 جىلدىڭ سوڭىنا دەيىن 1968 ورىندىق 8 مەكتەپتىڭ قۇرىلىسىن اياقتاۋ جوسپارلاندى. سالىنىپ جاتقان 6 مەكتەپ كەلەر جىلى پايدالانۋعا بەرىلەتىن بولادى. دەنساۋلىق ساقتاۋ, مəدەنيەت جəنە سپورت وبەكتىلەرى دە نازاردان تىس قالماۋدا. وسى جىلدىڭ سوڭىنا دەيىن 8 دەنساۋلىق ساقتاۋ وبەكتىسىن, 6 مəدەنيەت ءۇيىن, سپورتتى دامىتۋعا ارنالعان ءۇش وبەكتىنى پايدالانۋعا بەرۋ جوسپارلانۋدا.

2017 جىلى اتىراۋ وبلىسىندا 371 شاقىرىم جول سالىندى, بۇل 2016 جىلعى كورسەتكىشتەن ەكى ەسە جوعارى. 2018 جىلى 280 شاقىرىم جولدى اسفالتتاۋ جوسپارلاندى.

ءوڭىر باسشىسى ۇلكەن جۇمىستىڭ ءبىر بولىگى عانا ەكەنىن اتاپ ءوتتى. ەلدى مەكەندەردى اباتتاندىرۋ بولىگىندە اۋقىمدى جۇمىستار تۇر. سونىمەن قاتار جىل سايىن əلەۋمەتتىك وبەكتىلەر-اۋرۋحانالار, مەكتەپتەر مەن بالاباقشالار سالۋعا جəنە جوندەۋگە بولىنەتىن بيۋدجەت قاراجاتىنىڭ كولەمى ۇلعايۋدا.

-سىزدەردىڭ مىندەتتەرىڭىز جاڭا تەحنولوگيالاردى پايدالانىپ, كəسىبي دەڭگەيدى كوتەرىپ بəسەكەگە قابىلەتتى بولۋ. قاۋىپسىزدىكتىڭ بارلىق نورمالارىن ساقتاي وتىرىپ, ساپالى وبەكتىلەر سالۋ قاجەت. سىزدەردىڭ ەڭبەكتەرىڭىزبەن سالىنىپ جاتقانداردىڭ بارلىعى قوعامنىڭ əل-اۋقاتىنا əسەرىن تيگىزەدى. ءبىز ءوز تاراپىمىزدان رەسپۋبليكالىق, وبلىستىق بيۋدجەتتەردىڭ قارجىلاندىرۋىن, جەر قويناۋىن پايدالانۋشىلاردىڭ قاراجاتتارىن پايدالانىپ بۇگىنگى كۇنى تۇرعىندارعا ومىرلىك قاجەت وبەكتىلەردىڭ قۇرىلىسىن سالۋعا وتىنىمدەر بەرەمىز. بارشاڭىزدى كəسىبي مەرەكەلەرىڭىزبەن قۇتتىقتاۋعا رۇقسات ەتىڭىزدەر. سىزدەرگە جəنە وتباسىلارىڭىزعا باق-بەرەكە, ءوسىپ-وركەندەۋ, تىنىشتىق پەن بەيبىتشىلىك تىلەيمىن,- دەدى نۇرلان نوعاەۆ.

سالتاناتتى جيىندا قۇرىلىس جəنە جول سالاسىنىڭ ۇزدىك قىزمەتكەرلەرى «قۇرمەتتى قۇرىلىسشى», «قۇرمەتتى سəۋلەتشى» توسبەلگىلەرىمەن, ينۆەستيتسيا جəنە دامۋ مينيسترلىگىنىڭ, وبلىس əكىمدىگى مەن مəسليحاتىنىڭ العىس حاتتارىمەن ماراپاتتالدى.