بۇگىن, 15 تامىز – ۆالس پاتشاسى ءشامشى قالداياقوۆتىڭ تۋعان كۇنى.
1930 جىلدىڭ 15 تامىزىندا وڭتۇستىك قازاقستان وبلىسى وتىرار اۋدانى ءشاۋىلدىر اۋىلىندا اتا-اناسىنىڭ زارىعا كۇتكەن پەرزەنتى دۇنيەگە كەلدى. اكەسى قالداياق (شىن اتى - ءاناپيا) ۇل تۋسا ءجامشيد پاتشانىڭ اتىن قويام دەپ جۇرگەندە ءتۇس كورەدى. تۇسىندە ۇلىنىڭ ايدىن كولدە اققۋ قۇس بولىپ ءجۇزىپ جۇرگەنىن كورىپ, جاقسىعا جوريدى.
ونىڭ 300-دەن استام سازدى اۋەندەرى بىرنەشە بۋىندى سۋسىنداتىپ كەلەدى. ول سارىاعاشتاعى قاپىلانبەك مالدارىگەرلىك تەحنيكۋمىندا, تاشكەنتتەگى مۋزىكا ۋچيليششەسىندە جانە الماتى مەملەكەتتىك كونسەرۆاتورياسىندا ءبىلىم العان. ءشامشى 1950 جىلدان باستاپ شىعارماشىلىقپەن شۇعىلدانا باستادى. ونىڭ ىرعاقتى اندەرى جۇرەككە جىلى قابىلدانىپ, جۇرتشىلىقتىڭ سۇيىسپەنشىلىگىنە بولەندى. ءشامشى شىعارمالارىنىڭ باستى تاقىرىبى - ەلگە, وتانعا, اتا-اناعا, جارعا, دوس-جارانعا دەگەن سۇيىسپەنشىلىكتەن تۋدى.