زەينەتاقىمەن قامسىزداندىرۋ زامانعا يكەمدى مە؟

قاشىقتىقتان جانە كوزبە-كوز قىزمەت كورسەتەدى

بىرىڭعاي جيناقتاۋشى زەينەتاقى قورى اعىمداعى جىلدىڭ 1 شىل­دەسىنەن باستاپ سالىمشىعا شوت اشۋدان باس­تاپ, زەينەتاقى تولەم­دەرىن الۋعا دەيىنگى نەگىزگى قىز­مەت­تەردى ەلەك­تروندى فورمات­تا كورسەتۋ مۇم­كىندىگىنە يە بولدى. سون­داي-اق قازىرگى ۋاقىت­تا زەينەتاقى جيناق­تارىن ءومىردى ساقتاندىرۋ بويىنشا كوم­پانيالارعا اۋدارۋ جانە ەرىكتى جارنالار بويىنشا تولەم­دەر الۋ سەكىلدى ونلاين-سەرۆيستەر ازىرلەنىپ جاتىر. الايدا ازىر­گە ەلەكتروندى سەر­ۆيستەر قاتارىنا شە­تەلگە تۇراقتى تۇرۋعا كەتۋگە بايلانىستى تولەمدەر, جەرلەۋگە جانە مۇرا­گەرلەرگە بەرىلەتىن تولەمدەر وسى قىزمەتتەر بو­يىنشا قۇجاتتار ۇسىنۋ­دىڭ ەرەكشەلىگىنە بايلانىستى ەنگىزىلمەي وتىر. 

اتالعان ماسەلەلەردى قور قىزمەتىنىڭ جارتى جىلدىق قورىتىندىسى بويىنشا وتكەن ءماسليحاتتا قوردىڭ باس­قار­ما ءتورايىمى ن.ناۋرىزباەۆا مالىمدەگەن بولاتىن. ونىڭ ايتۋىن­شا, الداعى ۋاقىتتا ەلەكتروندى تسيفرلى قولتاڭ­باعا يە بولا وتىرىپ, قور ساي­­تىنىڭ «ەلەكتروندى قىزمەت كور­سەتۋ» بولىمىندە جەكە زەي­نەتاقى شوتىن اشۋ­ جونىندە ءوتىنىش بەرۋگە, جە­كە زەي­نەتاقى شوتىنان ءۇزىن­دى-كوشىرمە الۋعا, جەكە دەرەك­­تەمەلەرگە وزگەرىستەر ەنگىزۋ­گە, ينتەرنەت حابارلان­دىرۋدى تاڭداي وتىرىپ اق­پارات الۋ ءتاسىلىن وزگەرتۋگە, زەينەتاقى تولەمدەرىن تا­عايىن­داۋ جونىندە ءوتىنىش جولداپ, ونىڭ ورىندالۋ بارىسىن قاداعالاۋعا بو­لادى. 

«ودان بولەك اعىمداعى جىل­­دىڭ العاشقى جارتىسىندا جاڭا «جەكە زەينەتاقى شو­­تىن اشۋ جونىندەگى ءوتىنىش­­­تىڭ كوشىرمە-نۇسقاسىن الۋ» ەلەكتروندى قىزمەتى, سون­داي-اق «ەرىكتى زەينەتاقى جارنالارى ەسە­بىنەن ءوز پايداسىنا شارت جاساسۋ» سەرۆيسى ازىرلەنىپ ىسكە قوسىلعان. سو­نى­مەن قاتار بىرىڭعاي جيناق­تاۋشى زەينەتاقى قورى 2018 جىلدىڭ مامىرىندا تانىمال Telegram مەسسەندجەرى ءۇشىن ءوزىنىڭ بوتىن قولدانىسقا ەنگىزدى. پايدالانۋشىلار جاڭا قىز­­­مەتتىڭ كومەگىمەن قىس­قا ءۇزىندى-كو­شىر­مە الۋ نەمەسە ءۇزىندى-كوشىرمەنى ەلەك­­تروندى پوشتاسىنا جىبە­رۋ, جەكە كا­بينەتكە كىرۋ, قۇپيا ءسوزىن قايتا قا­لپىنا كەل­تىرۋ, قوردىڭ ماڭىزدى جاڭا­لىقتارى جانە اعىمداعى كور­­سەتكىشتەرىمەن تانىسۋ, سون­داي-اق ونىڭ ەڭ جاقىن بولىمشەسىن تابۋ مۇم­كىندى­گىنە يە بولادى», دەيدى ن.ناۋرىزباەۆا. 

جوعارىدا اتالعان جيىندا ءسوز بولعانداي, 2018 جىلدىڭ العاشقى جارتىسىندا ەلەكتروندى ارنالار ارقىلى 7,5 ملن قىزمەت كورسەتىلگەن. بۇل ەسەپتىك كەزەڭدە كورسەتىلگەن قىز­مەتتەردىڭ جالپى كولەمىنىڭ 72 پرو­تسەنتىن قۇرايدى. وسى رەتتە قور كەڭ­سەلەرىندە جانە كوشپەلى قىزمەت كور­سەتۋ بارىسىندا 2,9 ملن وپەراتسيا ورىن­دالعاندىعىن دا ايتا كەتكەنىمىز ءجون.

جالپى, ەلەكتروندى سەر­ۆيستى ەنگى­زۋ جانە دامىتۋ قور قىزمەتىن جاڭا دەڭ­گەيگە كوتەرۋگە مۇمكىندىك بەرەدى. بۇگىندە ەلىمىزدەگى قور قىزمەتىنىڭ باسىم بولىگى قا­شىقتىقتان كورسەتىلەدى. قىزمەت كورسەتۋ ساپاسىنىڭ جوعارى دەڭ­گەيدە ەكەندىگىن حالىقارالىق ساراپ­شىلار دا راستاپ وتىر. بيىل ناۋ­رىز ايىندا «بجزق» اق ساپا مەنەدجمەنتى جۇيەسى بو­يىنشا سەرتي­فيكاتسيالىق اۋديتتەن ءساتتى ءوتتى. ءاۋديت­تى ال­دىڭعى قا­­­­تارلى ەۋروپا­لىق كوم­پانيا­لار­دىڭ حالىق­ارالىق اۋديتورلارى جۇرگىزدى. 

3 اي ىشىندە 75 ساپارعا شىقتى

زەينەتاقىمەن قامسىزدان­دىرۋ ەلىمىزدە تۇراتىن بارلىق ازاماتتارعا, شەتەل­دىكتەر مەن ازاماتتىعى جوق ادام­دارعا, ولاردىڭ ىشىندە شال­عاي­دا ورنالاسقان كىشىگىرىم ەلدى­ مە­كەندەردىڭ تۇرعىندارىنا دا قا­تىستى. وسىعان بايلانىس­تى شالعايدا ورنا­لاسقان ەلدى مەكەندەردە, سونداي-اق قور بولىمشەلەرى جوق اۋدانداردا زەينەتاقى قىزمەتتەرىنىڭ قول­جەتىم­دى­لىگىن قامتاماسىز ەتۋ ماق­ساتىندا ء«موبيلدى كەڭسە» جوباسى ىسكە قوسىل­دى. اتالعان جوبا سوڭعى ءۇش اي ىشىندە 75 رەت جولعا شىقسا, سوڭ­عى التى ايدا  3,9 مىڭ كوشپەلى شارا ۇيىمداستىرىپ, 93,4 مىڭ وپەراتسيانى جۇزەگە اسىر­دى. 

بۇل تۋرالى «بزجق» باس­قارما ءتورايى­مىنىڭ ورىنباسارى س.ەگەۋ­باەۆا حالىققا كەڭىنەن تۇسىندىرگەن بولاتىن. بۇگىندە ء«موبيلدى كەڭسە» جوباسى الماتى, اتىراۋ جانە قوستاناي وبلىسىندا جۇزەگە اسىرىلىپ جاتىر. ء«مو­بيلدى كەڭسە» جوباسىن اعىمداعى جىلى شىعىس قا­زاقستان, باتىس قازاقستان جانە وڭتۇستىك قازاقستان وبلىستارىندا ىسكە قوسۋ بويىنشا ۇيىمداستىرۋ جۇمىستارى جۇرگىزىلۋ ۇستىندە. ال كەلەسى جىلى جوبانى قوردىڭ قا­راعاندى, قىزىلوردا, اقتوبە, اقمولا, جامبىل, پاۆلودار جانە سولتۇستىك قازاقستان وب­لىستىق فيليالدارىندا  جۇزەگە اسىرۋ جۇ­مىستارى جان­­دانباق.    

 «وسى ساپارلار بارىسىندا قور قىزمەتكەرلەرى 5,1 مىڭنان استام ادام­عا قىزمەت كورسەتىپ, 6,3 مىڭنان استام وپەراتسيانى ورىندادى. سونىمەن قاتار كوشپەلى قىزمەت كورسەتۋ بارىسىندا 2,3 مىڭنان استام جەرگىلىكتى تۇرعىنعا اقىل-كەڭەس بەرىلدى», دەيدى ءتورايىم ورىنباسارى.  

 بۇدان باسقا, «بجزق» اق زەينەت­اقى قىزمەتتەرىنىڭ قولجەتىمدىلىگىن ارتتىرۋ­ ماق­­ساتىندا «بىرىڭعاي جيناق­­­تاۋشى زەينەتاقى قورى» اكتسيو­نەرلىك قوعا­مى مەن «قازپوشتا» اكتسيو­نەر­لىك قوعامى اراسىندا ىن­تىماقتاستىق جانە شارالار جوسپارى تۋرالى مە­موراندۋمعا قول قويعاندىعىن ايتا كەتكەنىمىز ءجون. جالپى, جىل سوڭىنا دەيىن رەسپۋب­ليكا وڭىرلەرىن زەينەتاقى قىز­مەتتەرىمەن قامتۋ كورسەت­كىشى 11 پروتسەنتكە ۇلعايماق. 

زەينەتاقىنى جوسپارلاۋعا كومەكتەستى

بىرىڭعاي جيناقتاۋشى زەينەتاقى قورى اعىمداعى جىلدىڭ ءساۋىر ايىنان باستاپ جەكە جانە كورپوراتيۆتىك زەينەتاقى كالكۋلياتورىن قولدانا وتىرىپ, سالىم­شىلارعا بولاشاق زەينەت­اقىنى جوسپارلاۋ بويىنشا اقىل-كەڭەس بەرىپ كەلەدى. ايتالىق, ءۇش اي ىشىندە زەي­نەت­اقىنى جوسپارلاۋ ماسەلەلەرى بويىنشا كەلۋ­شى­لەرمەن 118 517 كەڭەس وتكى­زىلدى. قوردىڭ ءباس­پاسوز قىزمەتىنىڭ مالىمدەۋىنشە, اقىل-كەڭەستەردىڭ باسىم بولىگىن ال­ماتى قالاسىنىڭ تۇرعىندارى مەن قوناق­تارى العان. ولارعا 18 270 كونسۋلتاتسيا بەرىلسە, تۇركىستان جانە پاۆلودار وبلىستارىندا سايكەسىنشە 16 011 جانە 7 881 ازاماتقا اقىل-كەڭەس بەرىلدى.     

وسىنداي شارالار بارىسىندا نەگى­زىنەن, سالىمشىلاردى زەينەت­كە شىعۋ مەرزىمى, جارنالاردى ءوز بەتىنشە تولەۋ مۇمكىندىگى, ينۆەس­تيتسيالىق تابىس, زەينەتاقى جيناق­تارىنىڭ ساقتالۋىنا مەملەكەت تارا­پىنان بەرىلەتىن كەپىلدىك, زەينەت­اقى مولشەرى جانە ونى كوبەيتۋ جول­دارى جايىنداعى ماسەلەلەر مازا­لايتىندىعى انىقتالعان.

بايقاعانىمىزداي, بجزق-نىڭ ءتۇرلى قىزمەتتەرى ەلدىڭ يگىلىگى مەن يكەم­دىلىگىنە نەگىزدەلىپ جاسالىپ وتىر. تەك قولايلى تەتىكتەردى تەز مەڭ­گەرىپ كەتۋ جەتكىلىكتى. وسى ورايدا اعىمداعى جىلدا زەينەتاقى تۇسىمدەرىنىڭ سوماسى ءوسىپ جاتقاندىعىن دا ايتا كەتكەن ابزال. جىل باسىنان بەرى زەينەتاقى ءتۇسىمى 407,5 ملرد تەڭگەنى قۇراپ, وت­كەن جىلدىڭ سايكەس كەزەڭىمەن سالىس­تىرعاندا 11 پروتسەنتكە كوبەي­گەن.

ميراس اسان,

«ەگەمەن قازاقستان»