«نۇر وتان» پارتياسى وبلىستىق فيليالى ۇيىمداستىرعان «ەڭ ۇزدىك الەۋمەتتىك جوبا–2018» بايقاۋى ەڭبەك جانە الەۋمەتتىك قورعاۋ باسقارماسى, مەملەكەتتىك الەۋمەتتىك ساقتاندىرۋ قورى, بيزنەس قاۋىمداستىق وكىلدەرىنىڭ قاتىسۋىمەن ءوتىپ, قورىتىندىلاندى.
بايقاۋ كوكتەمدە مۇگەدەك جاندار اراسىندا ۇيىمداستىرىلىپ, تىڭ جوبالار كوپشىلىك نازارىنا ۇسىنىلعان بولاتىن. قازىلار القاسىنىڭ شەشىمىمەن «مەنىڭ قولىمنان كەلەدى» جوبانىڭ اۆتورى اقجان كارىم جەڭىمپاز اتاندى. وعان 1 ميلليون تەڭگەنىڭ سەرتيفيكاتى تاپسىرىلدى. رەسپۋبليكادا وبلىس نامىسىن قورعايتىن بولادى. ەكىنشى ورىندى «جاقىنىڭا كومەك» جوباسىن ۇسىنعان م.جۇماباەۆ اۋدانىنىڭ تۇرعىنى رۋسلان سماعۇل يەلەندى. «كۇنشۋاق ءۇيى» قورىنىڭ جەتەكشىسى اناستاسيا شۆەتسكە 500 مىڭ تەڭگەنىڭ سەرتيفيكاتى بەرىلدى. ول بۇل قاراجاتتى ورتالىقتاعى وقۋشىلاردىڭ ءبىلىم الۋى مەن قورشاعان ورتاعا بەيىمدەلۋىنە جۇمساماق.
«الداعى ۋاقىتتا «كۇنشۋاق» قورشاعان ورتاعا بەيىمدەۋ ورتالىعىن ودان ءارى دامىتۋ جولدارىن قاراستىرىپ وتىرمىز. ۇتىپ العان قاراجاتقا تىگىن ماشينالارىن ساتىپ الامىز. اشىلعانىمىزعا 3 جىل عانا بولسا دا, ءبىراز تاجىريبە جاناقتاپ قالدىق», دەيدى «كۇنشۋاق ءۇيى» قايىرىمدىلىق قورىنىڭ پرەزيدەنتى اناستاسيا شۆەتس.
جەڭىمپازداردان بولەك, 19 قاتىسۋشىنىڭ ارقايسىسىنا العىس حاتتار مەن باعالى سىيلىقتار تابىس ەتىلدى.
ءومىر ەسقالي,
«ەگەمەن قازاقستان»
سولتۇستىك قازاقستان وبلىسى