بۇگىن اقتاۋدا بەس ەل پرەزيدەنتتەرىنىڭ قاتىسۋىمەن كاسپي ماڭى مەملەكەتتەرىنىڭ بەسىنشى ءسامميتى ءوز جۇمىسىن باستادى.
اقتاۋ قالاسىنداعى «دوستىق ۇيىندە» ەلباسى نۇرسۇلتان نازارباەۆ رەسەي پرەزيدەنتى ۆلاديمير ءپۋتيندى, ازەربايجان پرەزيدەنتى يلحام اليەۆتى, يران پرەزيدەنتى حاسان ءرۋحانيدى جانە تۇرىكمەنستان پرەزيدەنتى گۋربانگۋلى بەردىمۇxامەدوۆتى كۇتىپ الدى.
بۇل ماڭىزدى شارا بارىسىندا كاسپي تەڭىزىنىڭ قۇقىقتىق مارتەبەسى تۋرالى كونۆەنتسياعا قول قويىلادى دەپ كۇتىلۋدە. قۇجات تەڭىز اكۆاتورياسىن, كاسپي تەڭىزى ءتۇبىن بولۋگە, بيورەسۋرستاردى قورعاۋعا, بالىق اۋلاۋعا, سونىمەن قاتار كاسپي تۇبىمەن قۇبىر تارتۋعا قاتىستى ەرەجەلەردى قامتيدى.