جۇمىس ساپارى بارىسىندا ايماق باسشىسى يساتاي اۋدانى زينەدەن اۋىلىنداعى كاسپي تەڭىزى جاعالاۋىندا سالىناتىن 500 ورىندىق وقۋ-ساۋىقتىرۋ لاگەرىنىڭ قۇرىلىس ورنىنا باردى.
لاگەر قۇرىلىسى, اتالعان ورىنعا ينجەنەرلىك-كوممۋنيكاتسيالىق ينفراقۇرىلىم جۇرگىزۋ شاعىن جانە ورتا بيزنەس سۋبەكتىلەرىنە جاڭا دەمالىس ورىندارىن اشۋعا مۇمكىندىك بەرەدى, ول ءوز كەزەگىندە جاڭا جۇمىس ورىندارىن اشۋعا, شوب سۋبەكتىلەرىن كوبەيتۋگە, ىشكى جانە سىرتقى ءتۋريزمدى دامىتۋعا ىقپال ەتەدى. قازىر ساۋىقتىرۋ لاگەرىنىڭ جوبالاۋ-سمەتالىق قۇجاتتاماسى ساراپتامادان ءوتىپ جاتىر.
ايماق باسشىسى, سونداي-اق, زينەدەن سەلوسىنداعى 100 ورىندىق بالاباقشا قۇرىلىسىنا, كادىركا سەلوسىنداعى 60 پاتەرلىك تۇرعىن ءۇي قۇرىلىسىنا, قۇرمانعازى اۋدانى ورتالىعىنداعى 75 ورىندىق اۋرۋحانا قۇرىلىسىنا باردى.
قۇرىلىس نىساندارىن قاراۋ كەزىندە كۇندەلىكتى تەحنيكالىق قاداعالاۋدىڭ جوقتىعى ايماق باسشىسىنىڭ نارازىلىعىن تۋدىردى. بەلگىلى بولعانداي, قۇرىلىس ساپاسىنا باقىلاۋ جۇرگىزۋگە جاۋاپتى ماماندار كەيبىر جۇمىس تۇرلەرىن نىسان باسىنا بارماي, قاشىقتان قابىلداپ كەلگەن.
-بۇل - جاۋاپتى تۇلعالاردىڭ قاتەلىگى, تەحنيكالىق قاداعالاۋ كۇن سايىن بولۋى كەرەك. تەحنيكالىق قاداعالاۋ ماماندارىنىڭ قورتىندىسى بويىنشا تاپسىرىس بەرۋشىلەر نىساندى بالانستارىنا قابىلدايدى, ال كۇندەلىكتى قاداعالاۋدىڭ بولماۋىنىڭ سالدارىنان قۇرىلىس پروتسەسىندە بۇزۋشىلىقتار بولۋى مۇمكىن. كەيىن سولاردى جويۋ قاجەتتىلىگى تۋىنداپ, قوسىمشا بيۋدجەت قاراجاتى جۇمسالادى, -دەدى نۇرلان نوعاەۆ. -تەحنيكالىق قاداعالاۋ ماماندارى نىساندا كۇن سايىن بولىپ, بارلىق جاسالعان جۇمىس ساپاسىن باقىلاۋلارى كەرەك. ءبىز ءبىزدىڭ تالابىمىز جانە ونىڭ ورىندالۋىن باقىلاۋدا ۇستايتىن بولامىز.
نۇرلان نوعاەۆ قۇرىلىس نىساندارىنا سەلولىق وكرۋگتەردەگى جۇمىسسىز تۇرعىنداردى تارتۋ جۇمىسسىزدىقتى ازايتۋعا سەپتىگىن تيگىزەتىنىن ايتتى.
-جەرگىلىكتى اتقارۋشى ورگانداردىڭ قىزمەتكەرلەرى ءوز اۋىلدارىنداعى جۇمىسسىز ادامداردى جۇمىسقا ورنالاستىرۋعا كۇش سالۋلارى كەرەك. ول ءۇشىن قاجەت جاعدايدىڭ ءبارى بىزدە بار, سولاردى ءتيىمدى پايدالانۋعا ءتيىسپىز,-دەدى نۇرلان نوعاەۆ.
وبلىس اكىمى يساتاي اۋدانىنداعى اۋىلىشىلىك جولدار قۇرىلىسىن دا تەكسەردى. ايتا كەتەيىك, 2018 جىلى اتىراۋ وبلىسىندا 280 شاقىرىم جول قۇرىلىسى جوسپارلانعان, ونىڭ 220-سى وبلىس ورتالىعىندا, قالعاندارى اۋدانداردا.