اقپارات جانە كوممۋنيكاتسيالار ءمينيسترى داۋرەن اباەۆ «قازاقپارات» تىلشىسىنە بەرگەن سۇحباتىندا دەنيس تەننىڭ قايتىس بولۋىنا قاتىستى بارلىق اقپارات بۇكپەسىز بولعانىن ايتتى.
«ەڭ الدىمەن مىنانى ايتقىم كەلەدى, دەنيس تەن ولىمىنە قاتىستى جاعدايدا ءىىم جەدەل تارتىپپەن تىلشىلەرگە ەڭ وزەكتى اقپاراتتاردى ۇسىندى. ال سول اقپاراتتى تەكسەرۋگە ءبىراز ۋاقىتتىڭ كەتەتىندىگى باسقا ماسەلە. ءتىپتى ەڭ شۇعىل جاعدايدىڭ وزىندە دە مەملەكەتتىك ورگان ولاردى سايكەسىنشە تەكسەرۋدەن وتپەستەن فاكتىلەرىن جاريا ەتۋگە قۇقىعى جوق. بۇعان قوسا, قىلمىستىق-پروتسەستىك كودەكسكە سايكەس سوتقا دەيىنگى تەرگەۋ مالىمەتتەرىن جاريا ەتۋگە بولمايدى. ول پروكۋروردىڭ كەلىسىمىمەن رۇقسات ەتىلگەن كولەمدە عانا جاريا ەتۋگە بەرىلەدى. دەگەنمەن, تاعى دا قايتالاپ ايتامىن, بۇل جولى اقپاراتتىق ۆاكۋم تۋىنداعان جوق, قوعامنان ەشتەڭە بۇگىپ قالىنعان جوق», دەدى د.اباەۆ.
ەستەرىڭىزگە سالا كەتەيىك, سپورتشىنى كولىك ۇرىلارى تاپا تال تۇستە پىشاقتاپ كەتكەن بولاتىن. اياعىنان جاراقات العان دەنيستىڭ ءومىرىن دارىگەرلەر ساقتاپ قالا المادى.