الماتىداعى قوناەۆ مۋزەيىندە مەملەكەت جانە قوعام قايراتكەرى, ءىى دۇنيەجۇزىلىك سوعىستىڭ ارداگەرى سۇلتان جيەنباەۆتىڭ 97 جاسقا تولۋ قۇرمەتىنە وراي ارنايى كورمە اشىلدى. وندا مايدانگەردىڭ ەڭبەك جولىنان مول ماعلۇمات بەرەتىن سۋرەتتەرى مەن جەكەلەگەن بۇيىمدارى قويىلعان.
سۇلتان سۇلەيمەن ۇلىنىڭ مايدان شەبىندەگى ەرلىكتەرى مەن مەملەكەتىمىزدىڭ دامۋىنا قوسقان وراسان زور ەڭبەگى ەل تاريحىندا ەرەكشە. عاسىرعا جۋىق ۋاقىت قايراتكەرلىك, وتانسۇيگىشتىك باعىتىن بەرىك ۇستانعان تۇلعانىڭ ءومىرى كەلەشەك ۇرپاققا ۇلگى. وسىنى ماقسات ەتكەن مۋزەي قىزمەتكەرلەرى دە كورمەدە ارداگەر ءومىرىنىڭ بارلىق ساتتەرىن قامتۋعا تىرىسقان. ال مۋزەي سورەسىندە تۇرعان, سۇلتان سۇلەيمەن ۇلىنىڭ 70 جاسقا تولۋىنا وراي دىنمۇحامەد قوناەۆ سىيعا تارتقان مونشاقتى شاپاننىڭ تاريحىنا دا وتىز جىلعا جۋىقتاپ قالعان ەكەن. «جاقسىدان شاراپات...» دەمەي مە دانا حالقىمىز. دىنمۇحامەد احمەت ۇلىنداي ەلىمىزدىڭ كورنەكتى قايراتكەرىنىڭ سىيلىعى بۇگىندە مۋزەي سورەسىنەن ءوزىنىڭ لايىقتى ورنىن تاۋىپتى.
ەلۆيرا سەرىكقىزى,
«ەگەمەن قازاقستان»
الماتى