وتكەن سەنبى كۇنى قالا اۋماعىنا قاراستى قاراجار اۋىلىنىڭ ماڭىنا ءوڭىر جۇرتشىلىعى, قوناقتار, ءانشى-كۇيشىلەر دارىندى دالا بۇلب ۇلى, قازاق مۋزىكا ونەرىنىڭ شوق جۇلدىزى ەستاي بەركىمباەۆتىڭ 150 جىلدىعىن اتاپ ءوتتى.
ءار قازاقتىڭ جۇرەگىنەن ورىن الاتىن «قۇسني-قورلان» اتتى عاجايىپ ءاندى وپەرا ءانشىسى, جەرلەسىمىز شاحماردان ءابىلوۆ ورىنداپ بەردى. دالادا اۋەلەگەن سۇلۋ ءاننىڭ رۋحى قالىقتادى. كيىز ۇيلەرمەن ءسانى جاراسقان مەرەكەلىك شاراعا جينالعان ونەر سۇيەر جۇرتشىلىق جاس ونەرپازداردىڭ فەستيۆالىن, زيالى قاۋىم قاتىسقان شىعارماشىلىق ديالوگ الاڭىنداعى كەزدەسۋدى كورىپ, ءان مەن جىر تىڭدادى. رۋحاني ادەبي-مادەني مەرەكەگە وبلىس اكىمى بولات باقاۋوۆ قاتىستى.
وبلىس اكىمى ب. باقاۋوۆ ەستايدىڭ نەمەرەسى زەكەن اپاعا قازاقى كامزول جاپتى. سونىمەن بىرگە, «رۋحاني ديالوگ» الاڭىندا لوس- اندجەلەستە وتكەن حالىقاراالىق بايقاۋدا جەڭىسكە جەتكەن «باستاۋ» دومبىراشىلار توبىن جەڭىسىمەن قۇتتىقتادى. وسى توپتا ونەر كورسەتەتىن تەمىرلان ولجاباي بولسا ەستايدىڭ جيەنى.
تويعا كەلگەن قوناقتار اراسىندا «جۇلدىز» جۋرنالىنىڭ باس رەداكتورى عالىم جايلىباي, ەلىمىزدىڭ كومپوزيتورلار وداعىنىڭ ءتورايىمى بالنۇر قىدىربەك, ونەرتانۋشى قايرات ايتباەۆ, جازۋشى, دراماتۋرگ انەس ساراي جانە باسقالارى بولدى. شارا سوڭىندا «قورقىت» رەسپۋبليكالىق ەتنو-فولكلورلىق ءانسامبىلى ونەر كورسەتسە, قولونەر شەبەرلەرىنىڭ بۇيىمدارى حالىق نازارىنا ۇسىنىلدى. سوڭى الامان بايگەگە ۇلاستى.
فاريدا بىقاي
«ەگەمەن قازاقستان»
پاۆلودار
سۋرەتتى تۇسىرگەن: ۆالەري بۋگاەۆ