وليمپيادا جۇلدەگەرى دەنيس تەننىڭ ولىمىنە قاتىسى بار بولۋى مۇمكىن ەكىنشى كۇدىكتى ارمان قۇدايبەرگەنوۆ ۇستالدى. بۇل تۋرالى قالالىق ءىىد باسشىسى سەرىك كۇدەباەۆ ايتتى.
«2018 جىلى 20 شىلدەدە دەنيس تەننىڭ ولىمىنە قاتىسى بولۋى مۇمكىن دەگەن كۇدىكپەن 1994 جىلى تۋعان قىزىلوردا وبلىسى قارماقشى اۋدانى, اقاي اۋىلىنىڭ تۋماسى قۇدايبەرگەنوۆ ارمان ءبورىباي ۇلى ۇستالدى. ارمان دەنيسكە ەكى جەرىنەن پىشاق سالعان. قازىر ول ءوزىنىڭ قىلمىس جاساعانىن مويىندادى. كۇدىكتى اقساي 2 شاعىن اۋدانىندا كوشەدەن ۇستالدى», - دەدى سەرىك كۇدەباەۆ ارنايى بريفينگتە.
بۇعان دەيىن قىلمىسقا قاتىسى بار دەگەن كۇدىكپەن تاعى ءبىر قاراقشى قولعا تۇسكەن ەدى. ول دا ۇىلمىسىن مويىنداعان بولاتىن.