HockeyArchives پورتالى 2017/2018 جىلعى ماۋسىمنىڭ قورىتىندىسى بويىنشا شايبالى حوككەيدەن ەۋروپانىڭ ۇزدىك 250 كومانداسىنىڭ ءتىزىمىن جاريا ەتتى.
ۇزدىكتەر كوشىن سانكت-پەتەربوردىڭ سكا كلۋبى باستاپ تۇر. ەكىنشى جانە ءۇشىنشى ورىنداردا – شۆەتسيانىڭ «ۆەكشەسى» مەن ماسكەۋدىڭ تسسكا-سى. سونداي-اق, «اق بارس» (قازان, رەسەي), «كيارپيات» (فينليانديا), «كومەتا» (چەحيا), «يۋرگوردەن» (شۆەتسيا), «بەرن» (شۆەيتساريا), «ميۋنحەن» (گەرمانيا) جانە «تاپپارا» (فينليانديا) سىندى ۇجىمدار «توپ-10» كوماندانىڭ قاتارىندا قوسىلدى.
بىلتىر 34 ۇزدىكتىڭ ساناتىنان كورىنگەن استانانىڭ «بارىسى» سوڭعى ماۋسىمدا قۇرلىقتىق حوككەي ليگاسىنىڭ (قحل) پلەي-وفف دوداسىنىڭ جولداماسىنا يەلىك ەتە الماعان ەدى. سونىڭ سالدارىنان الەمدىك رەيتينگتەگى جاعدايىن كۇرت ناشارلاتىپ العان جەرلەستەرىمىز بۇل جولى 55-ورىندى قاناعات تۇتتى.
عالىم سۇلەيمەن, «ەگەمەن قازاقستان»