وبلىستاعى جۇمىس ساپارلارىن مەيرام پىشەمباەۆ, البەرت راۋ, الەكساندر سۋسلوۆ, ايگۇل نۇركينا, ايزادا قۇرمانوۆا, انار جايىلعانوۆالار بىرقاتار ءوندىرىس ورىندارىن ارالاۋدان باستادى.
«پرومرەسۋرس-kz» جشس قۇبىر شىعاراتىن زاۋىتتا بولىپ, ءوندىرىس بارىسىمەن تانىستى. دەپۋتات مەيرام پىشەمباەۆ زاۋىت جۇمىسشىلارىمەن كەزدەسۋ بارىسىندا قازىرگى كەزدە ماشينا جاساۋ ءوندىرىسىن قولداۋ جوسپارى ازىرلەنىپ جاتقانىن ايتىپ بەردى. سونىمەن بىرگە, دەپۋتاتتار «ەكو پروم» جشس, «ريتام-پاۆلودار» جشس جانە «اگرومير» جشس كاسىپورىندارىنا باردى. مىسالى, «اگرومير» جشس يمپورتتى الماستىرۋ ىسىنە ۇلەس قوسۋدا.
– بۇل كاسىپورىندا شىعارىلاتىن ءونىم اۆتوموبيل, مۇناي-حيميا, تاۋ-كەن وندىرىستەرىندە سۇرانىسقا يە. شەتەلدەن اكەلىنەتىن ءونىم كولەمىن ازايتاتىن مۇنداي كاسىپورىندار بار ەكەندىگى قۋانتادى,-دەدى م. پىشەمباەۆ.
وسى كۇنى دەپۋتاتتار س. تورايعىروۆا اتىنداعى مەملكەتتىك ۋنيۆەرسيتەتتە بولىپ, ستۋدەنتتەر مەن پروفەسسورلىق-وقىتۋشىلىق قۇرامىمەن كەزدەستى. تسيفرلاندىرۋ باعىتىندا جۇمىس جاسايتىن №122 بالالار باقشا-گيمنازياسىنىڭ جۇمىسىمەن تانىستى.
سونىمەن بىرگە ماجىلىسمەندەر وبلىس ورتالىعىنداعى «BB NURA» نەفرولوگيا مەن ەففەرەنتتىك تەراپياسى مەديتسينالىق ورتالىعى مەن №2 ەمحانانىڭ قىزمەتىمەن تانىستى. ورتالىق مەن ەمحانا مەملەكەتتىك-جەكە مەنشىك ارىپتەستىك اياسىندا قىزمەت ەتۋدە.
فاريدا بىقاي, «ەگەمەن قازاقستان»
پاۆلودار سۋرەتتى تۇسىرگەن: ايبەك جۇماتوۆ