بۇگىن س.سەيفۋللين اتىنداعى قازاق اگروتەحنيكالىق ۋنيۆەرسيتەتىندە «قازاقستان فەرمەرلەر وداعى» رەسپۋبليكالىق قوعامدىق بىرلەستىگى وكىلدەرىمەن بىرلەسىپ اگروونەركاسىپتىك كەشەندى تسيفرلاندىرۋ ماقساتىندا سەمينار-كەڭەس وتكىزدى.
ءىس-شاراعا «س.سەيفۋللين اتىنداعى قازاتۋ» اق باسقارما توراعاسى كۇرىشباەۆ ا.ق., قازاقستان فەرمەرلەر وداعىنىڭ پرەزيدەنتى ا.ك.دارىنوۆ, ۋنيۆەرسيتەت ماماندارى, AgroSmart كومپانياسىنىڭ وكىلدەرى مەن وزگە دە 70-تەن استام قازاقستاندىق شارۋاشىلىقتار قاتىستى.
ۋنيۆەرسيتەت رەكتورى اقىلبەك كۇرىشباەۆ ءوز سوزىندە ءبىلىم ورداسىنىڭ جەتىستىكتەرى تۋرالى قىسقاشا بايانداپ, ۋنيۆەرسيتەتتىڭ عالىمدارى اۋىل شارۋاشىلىعىن تسيفرلاندىرۋ سالاسىندا ەرەكشە تاجىريبە جيناقتاعاندىعىن اتاپ ءوتتى. سونداي-اق, بيىلعى جىلدىڭ باسىندا ۋنيۆەرسيتەت اۋىل شارۋاشىلىعى مينيسترلىگى تاراپىنان اگروونەركاسىپتىك كەشەندى تسيفرلاندىرۋدىڭ عىلىمي-ادىستەمەلىك ورتالىعى رەتىندە قۇرىلعانىن اتاپ كورسەتتى. اۋىل شارۋاشىلىعى مينيسترلىگىنىڭ تسيفرلاۋ كەڭسەسى ۋنيۆەرسيتەتتىڭ گاج تەحنولوگياسى ورتالىعىنا ورنالاستىرىلعان دەدى. سونىمەن قاتار, سوڭعى جىلدارى ۋنيۆەرسيتەتتەن ءبىلىم الىپ شىققان جاس مامانداردىڭ ءبىلىم دەڭگەيى كوڭىل قۋانتارلىق جانە ولار سوڭعى ۇلگىدەگى اۋىلشارۋاشىلىعى تەحنولوگياسىمەن جۇمىس جاساۋعا دايىن ەكەندىگىن باسا ايتتى.
ۋنيۆەرسيتەت پرورەكتورى قايرات ايتۋعانوۆ اقمولا, قاراعاندى, قوستاناي جانە سولتۇستىك قازاقستان وبلىستارىنداعى 9 پيلوتتىق شارۋاشىلىقتاردى تسيفرلاندىرۋ جوباسى قالاي ىسكە اسىرىلعاندىعى تۋرالى ايتا كەلە بۇل مۇمكىندىك كەز كەلگەن فەرمەردىڭ شارۋاشىلىعىندا بولادى دەدى. اۋىل شارۋاشىلىعى ساندىق ۇلگىگە وتپەيىنشە شارۋا العا جىلجۋ مۇمكىن بولمايدى دەپ اتاپ كورسەتتى.
اۋىل شارۋاشىلىعى مينيسترلىگىنىڭ جەر قاتىناستارى جانە جەر رەسۋرستارىن باسقارۋ ءبولىمىنىڭ باستىعى جانار قارجانوۆا جەر كوميسسياسىنىڭ جۇمىسى تۋرالى ەگجەي-تەگجەيلى ايتا كەلە جەردى رەفورمالاۋ جانە جەر قۇقىعى تۋرالى سۇراقتارعا جاۋاپ بەردى.
تاراپتار اگروونەركاسىپ كەشەنىن تسيفرلاندىرۋ سالاسىنداعى قازىرگى جاعداي مەن وزەكتى جۇمىس تۋرالى ءوز پىكىرلەرىن ءبىلدىردى. سەمينار ناتيجەسى بويىنشا جەمىستى پىكىرتالاس وتكىزىلدى, قاتىسۋشىلارعا قويىلعان سۇراقتارعا تولىققاندى جاۋاپ بەرە وتىرىپ تۋىندايتىن ماسەلەلەردى جەكە-جەكە ەمەس بىرلەسىپ شەشۋ كەرەكتىگى تۋرالى كەلىسىمدەر جاسالدى. سەبەبى اۋىل شارۋاشىلىعى اسا اۋقىمدى سالا بولعاندىقتان ونىمەن جالعىز بەتپە-بەت كەلۋ ناتيجەسىز. فەرمەرلەر ءوز كەزەگىندە قازاتۋ ارقاشان باسقا اگرارلىق سالاداعى ءبىلىم وردالارىنا قاراعاندا وق بويى ەكەندىگىن ايتىپ, وزدەرىنىڭ دە ۋنيۆەرسيتەت بازاسىندا بىلىمدەرىن جەتىلدىرۋدىڭ مۇمكىندىكتەرىن قاراستىرۋدى سۇرادى. سەبەبى بىتىرۋشىلەر اۋىلشارۋاشىلىق كاسىپورىندارىنا قاجەتتى ماماندار, اگرونومدارعا كۇردەلى فيتوسانيتاريالىق جاعدايعا بايلانىستى ۇلكەن قاجەتتىلىك تۋىنداپ وتىرعاندىعىن ايتىپ وتىر.
سەمينار بارىسىندا ۇشقىشسىز اۋە كەمەسىنىڭ جۇمىسى كورسەتىلدى جانە اگروينجەنەريانىڭ عىلىمي ەكسپەريمەنتالدى الاڭى تانىستىرىلدى.
تاراپتار اعىمداعى جاعدايدى جانە اۋىل شارۋاشىلىعى تسيفرلاندىرۋ سالاسىنداعى ناقتى جۇمىسى تۋرالى پىكىرلەرىمەن ءبولىسىپ, ءوز ارا ىنتىماقتاستىق تۋرالى كەلىسىم جاسادى.