وبلىستىق ىشكى ىستەر دەپارتامەنتىنىڭ باستاماسىمەن قۇرىلعان جول-پاترۋلدىك قىزمەت باتالونى قۇرامىنداعى پوليتسيا جاساعى وبلىس ورتالىعىنداعى ساياباقتار مەن ساياجايلاردا قوعامدىق تىنىشتىق ساقتاۋدا قىزمەت كورسەتۋدە. بۇل قىزمەت ءۇشىن اكەلىنگەن 15 اتتىڭ بارلىعى دا قولعا ۇيرەتىلگەن. اتتاردىڭ كۇتىمىمەن پوليتسەيلەردىڭ وزدەرى اينالىسادى. جاساق ارنايى كەستەگە سايكەس قىزمەت جاسايدى.
وتكەن جىلى وبلىس ورتالىعىنداعى ساياجايلاردا 157 قۇقىق-بۇزۋشىلىق ورىن الىپتى. سوندىقتان, قۇقىق بۇزۋشىلىقتىڭ الدىن-الۋ ماقساتىندا قازىر اتتى پوليتسيا جاساعى 3 اۋسىم بويىنشا كۇندىزگى, كەشكى, تۇسكى ۋاقىتتاردا ساياجايلاردى باقىلايدى. اتتى پوليتسەيلەر بەلگىلەنگەن باعىتتاردا ەكى-ەكىدەن جۇرەدى. قالالىق ىشكى ىستەر باسقارماسى جەرگىلىكتى پوليتسيا قىزمەتىنىڭ حابارىنشا, الداعى ۋاقىتتا اتتار سانى 70-كە جەتىپ, پوليتسەيلەر قالانىڭ سولتۇستىك بولىگىندە ورنالاسقان ساياجايلارمەن قاتار ەرتىس جاعالاۋىنداعى تىنىشتىقتى قاداعالايدى. اتتى پوليتسەيلەر ماۋسىم مەن قازان ايلارىنىڭ ارالىعىندا قىزمەت اتقارادى.
فاريدا بىقاي,
«ەگەمەن قازاقستان»
پاۆلودار