بۇگىنگىدەي جىلدام دامىپ, ءسات سايىن وزگەرىپ وتىرعان قوعامدا ءبىلىمدى ۇرپاقتى تاربيەلەۋ باستى ماقساتتاردىڭ ءبىرى ەكەنى انىق. ەلىمىزدە ءبىلىم مەن عىلىمعا ۇمتىلعان جاس تولقىن وسى ماقساتتى العا قويىپ, باتىل قادامدارمەن العا ءجۇرىپ كەلەدى. بۇگىنگى جاستاردىڭ باقىتىنا وراي عىلىممەن شۇعىلدانىپ, يدەيا ءبولىسىپ, ونى جۇزەگە اسىرۋعا مۇمكىندىكتەر بار ەكەنى قۋانتادى. ءار ءبىلىم مەكەمەسى ورايىن تاۋىپ, جاستارعا جىگەر بەرىپ, قولتىعىنان دەمەپ وتىرۋ ناعىز ىزدەنىستىڭ كورىنىسى دەۋگە بولادى.
وسى ورايدا №9 مەكتەپ-گيمنازياسىنىڭ 10-سىنىپ وقۋشىلارى باۋىرجان كابدۋللين مەن ءادىل شابدەنوۆ قازاقستاننىڭ فرانتسياداعى توتەنشە جانە وكىلەتتى ەلشىسى جان عاليەۆتىڭ قاتىسۋىمەن ناۋرىز ايىنىڭ 28-جۇلدىزىندا پاريج قالاسىندا وتكەن حالىقارالىق «Art-Baiterek Paris» كونكۋرس-فەستيۆالىنە قاتىسىپ, ءوز ونەرلەرىن كورسەتتى. جاس دارىندار «بيە سۇتىنەن جاسالعان شيپالى بالمۇزداق» (جەتەكشىسى: ابدراحمانوۆا ا.ا.) اتتى جوباسىن تانىستىرىپ, «بالساۋمال» اتتى بالمۇزداعىنان فرانتسيا جۇرتشىلىعىنا ءدام تاتقىزدى. بۇل جوباعا ەلىمىزدىڭ مادەنيەت قايراتكەرى, ءانشى تامارا اسار, ەلشىلىك قىزمەتكەرلەرى, حالىقارالىق بلوگەرلەر, جۋرناليستەر, «فۋدماستەر» بالمۇزداق كومپانياسىنىڭ وكىلدەرى قىزىعۋشىلىق تانىتتى. جاس دارىندارىمىزدىڭ الداعى جوسپارلارىنا تۇرتكى بولاتىنداي ۇسىنىستار ايتىلدى.
فەستيۆال اياسىندا حالىقارالىق «سويۋز تالانتوۆ» شىعارماشىلىق ورتالىعىنىڭ ۇيىمداستىرۋىمەن ححVII حالىقارالىق «پاريج, مەن سەنى سۇيەمىن!» شىعارماشىلىق كونكۋرسىنا مەكتەبىمىزدىڭ 11-سىنىپ وقۋشىسى اقمارال باقىتبەك (جەتەكشىسى: بەكەتاي ب.ا.) «مانەرلەپ وقۋ» نوميناتسياسى بويىنشا ونەر كورسەتىپ, جۇلدەلى ءى ورىنعا يە بولدى. قازىلار القاسى شەشىمىمەن, اقمارالعا پەتەربۋرگتە وتەتىن ماۋسىمدىق كونكۋرسقا قاتىسۋعا جولداما بەرىلدى. وسى رەتتە شاكىرتتەردىڭ جەتىستىككە جەتۋىنە مۇمكىندىك تۋعىزعان مەكتەپ ديرەكتورى ب.كۋشەكوۆاعا, اتا-انالار باقىتبەك اقسولي, سارجان شابدەنوۆ, شورتانباي كالماعانبەتوۆكە العىسىمىزدى بىلدىرەمىز. تاۋەلسىز ەلدە بيلىك تۇتقاسىن ۇستاپ, قۋاتتى ەل ازاماتتارىنا اينالاتىن جاستارعا اتا-انالاردىڭ ينۆەستيتسيا قۇيۋى ستراتەگيالىق تۇرعىدان ۇتىمدى شەشىم دەپ ويلايمىز. ويتكەنى ولاردىڭ بۇكىل ءومىرى الدا جانە بولاشاعى زور. جاستارعا جۇكتەلەتىن مىندەت تە سالماقتى. ولار تاماشا ءبىلىم الىپ, ءومىر ءسۇرۋ دەڭگەيىن ارتتىرۋعا, ەكونوميكانى دامىتىپ, ازاماتتىق قوعامدى قالىپتاستىرۋعا, زياتكەرلىك ۇلت تاربيەلەۋ جانە باسقا دا كوپتەگەن پايدالى ءارى جاعىمدى نارسەلەرمەن اينالىسۋعا تالپىنادى. بۇل جەتىستىكتەر مەكتەپ ءۇشىن اۋقىمى كەڭ, تاريحى تەرەڭ جانە بولاشاعى زور مۇمكىندىكتەر. سوندىقتان دا وسىنداي بيىك جەتىستىككە جەتكەن دارحان دالانىڭ دارىندى شاكىرتتەرى كوبەيە بەرگەي.
بايان بەكەتاي, №9 مەكتەپ-گيمنازياسى ديرەكتورىنىڭ بەيىندى وقىتۋ جونىندەگى ورىنباسارى
اقمولا وبلىسى, بۋراباي اۋدانى