ءباسپاسوز, راديو جانە ينتەرنەت-جۋرناليستيكا سالاسىنداعى ماماندارعا «ۇركەر» ۇلتتىق سىيلىعى تابىستالدى. «ۇزدىك رەسپۋبليكالىق ءباسپاسوز باسىلىمى» اتالىمىنىڭ جۇلدەسىن «Egemen Qazaqstan» گازەتى يەلەندى.
ۇلتتىق پرەميا ءباسپاسوز, راديو جانە ينتەرنەت-جۋرناليستيكا سالاسىندا ۇزدىك جەتىستىككە جەتكەن سونداي-اق وڭىرلەردە مۋلتيمەديالىق جۋرناليستيكانى دامىتۋعا ۇلەس قوسىپ جۇرگەن, ءارى جۋرناليستيكانىڭ بەدەلىن كوتەرۋگە اتسالىسقان, سونداي-اق قوعامنىڭ ازاماتتىق بەلسەندىلىگىن كوتەرۋگە ۇلەس قوسىپ جۇرگەن ماماندارعا بەرىلدى.
سىيلىقتىڭ نەگىزگى ماقساتى – تالانتتى جۋرناليستەر مەن ۇزدىك شىعارماشىلىق ۇجىمداردى انىقتاۋ, ولاردىڭ كاسىبي جۋرناليستيكانى دامىتۋعا قوسقان ۇلەستەرىن سارالاۋ جانە شىعارماشىلىق ادامدارىنىڭ ەلەۋلى ەڭبەگىنە قوعام نازارىن اۋدارۋ.