بۇگىن استانانىڭ قوعامدىق كەڭەسى قوعامدىق كولىكتەگى تاريفتەر بويىنشا تىڭداۋلار وتكىزىپ جاتىر. «استانا LRT» جشس-ءنىڭ باسقارما توراعاسى بەكمىرزا يگەنبەردينوۆتىڭ ايتۋىنشا, قالالىق قوعامدىق كولىكتە سارالانعان تاريف ەنگىزىلەتىن بولادى.
اتالعان تاريفكە سايكەس ەلوردانىڭ جەڭىلدىك ساناتى بار ازاماتتارى بۇرىنعىداي قوعامدىق كولىكتە تەگىن جۇرە بەرەدى. جالپى سارالانعان تاريفكە قوعامدىق كولىك سالاسىنداعى قاراجاتتىڭ «كولەڭكەلى» اينالىمىنان كەتۋ جانە قالا بيۋدجەتىنە اقشا تۇسىمدەرىن ارتتىرۋ ماقساتىندا باستاماشىلىق ەتىلگەن.
تۇسكەن قاراجات ەلوردانىڭ كولىك جۇيەسىن دامىتۋعا جۇمسالادى. «سارالانعان تاريف ەنگىزىلگەن كەزدە قوعامدىق كولىكتە جول ءجۇرۋ قۇنى كولىك كارتاسىمەن تولەۋ كەزىندە 90 تەڭگەنى قۇرايدى. ال قوعامدىق كولىكتى ءجيى پايدالانبايتىن نەمەسە كارتا الۋدى قاجەتسىنبەيتىندەر ءۇشىن جول ءجۇرۋ قۇنى 180 تەڭگە بولادى. بۇل جولاۋشىلارعا قوعامدىق كولىكتە قولما-قول اقشاسىز ەسەپ ايىرىسۋعا كوشۋگە جاقسى سەبەپ بولماق ءارى ول تولەم جۇيەسىنىڭ اشىقتىعىنا وڭ ىقپالىن تيگىزەرى انىق», - دەدى ب.يگەنبەردينوۆ. قاۋلى جوباسىنا سايكەس, قالالىق باعدارلاردا جولاقىسىن قولما-قول تولەۋ كەزىندە 180 تەڭگەنى, ەكسپرەسس باعدارلاردا 250 تەڭگەنى قۇرايتىن بولادى. ال اۆتوبۋستاعى كارتامەن تولەم جاساۋعا ارنالعان قۇرىلعى جۇمىس ىستەمەگەن كەزدە جولاۋشىلار تەگىن جۇرە الادى.