وبلىس ورتالىعىنا جۇمىس ساپارىمەن كەلگەن «نۇر وتان» پارتياسىنىڭ حاتشىسى تامارا دۇيسەنوۆا №37 ورتا مەكتەپتە مۇعالىمدەرمەن كەزدەسىپ, زاماناۋي ءبىلىم بەرۋ جۇيەسىن دامىتۋ جايىندا پىكىرلەستى.
تسيفرلىق تەحنولوگيالار مەكتەپتىڭ كۇندەلىكتى تىنىس-تىرشىلىگىنە ەنگەن. وقۋشىلار مەكتەپكە ارنايى كارتا نەمەسە ساۋساق ءىزى ارقىلى كىرىپ-شىعادى. اتا-انالارعا ارنايى حابارلاما جولدانادى. بۇل اتا-انالاردىڭ بالالارىن باقىلاپ وتىرۋىنا مۇمكىندىك. تسيفرلاندىرۋ سالاسىنداعى مەكتەپتىڭ كەلەسى جەتىستىگى ونلاين-تاماقتانۋ جۇيەسى. بۇل جۇيە ارقىلى دا اتا-انالار بالالارىنىڭ نە ءىشىپ-جەگەنىن قاداعالاي الادى. وقۋشىلار تاپسىرىس بەرەدى. مۇعالىمدەر بولمەسى دە سوڭعى ۇلگىدە جابدىقتالىپ, ۇستازدار قاۋىمى تسيفرلى تەحنولوگيانىڭ مۇمكىندىكتەرىن پايدالانۋدا.
وڭىردە جاڭا پارتيالىق جوبالار پيلوتتىق باستاما رەتىندە جۇرگىزىلۋدە. «نۇر وتان» پارتياسى مەن جەرگىلىكتى مەملەكەتتىك ورگاندار, وڭىرلىك كاسىپكەرلەر پالاتاسى جانە بيزنەس قاۋىمداستىق اراسىندا بىرقاتار مەموراندۋمعا قول قويىلدى. بۇل جوبالاردى جۇزەگە اسىرۋ ارقىلى بالالارعا ارنالعان تەگىن IT سىنىپتار اشۋعا, ارنايى IT مامانداردى دايارلاپ, حالىقتىڭ تسيفرلىق ساۋاتتىلىعىن ارتتىرۋعا, وڭىرلىك كىتاپحانالار جۇيەسىن ترانسفورماتسيالاۋعا جانە كىتاپحانالاردى قازىرگى زامانعى ءبىلىم ورتالىعى رەتىندە قايتا قۇرۋعا جول اشىلۋدا.
وسىنداي جاڭاشىل جوبالارمەن تانىسقان تامارا دۇيسەنوۆا وبلىس اكىمىنىڭ ورىنباسارى مەيرام بەگەنتاەۆپەن بىرگە بالالارعا ارنالعان ورتالىق قالالىق كىتاپحانادا اشىلعان كوۆوركينگ-ورتالىعى قازىرگى زامانعا ساي ءىت تەحنولوگيالارمەن, 3D فورماتتى تەلەديدارمەن جانە جۇمساق جيھازدارمەن جابدىقتالعان ورتالىقتى ارالاپ كوردى. كوۆوركينگ-ورتالىقتاردا ارنايى بالالار الاڭى, شىعارماشىلىق جۇمىسپەن شۇعىلدانۋ الاڭى جانە دويبى, شاحمات, اسىق ويىنى سىندى ويلاۋ قابىلەتتەرىن جەتىلدىرەتىن ويىندار وينايتىن, ياعني دەمالۋ الاڭى بار.
«نۇر وتان» پارتياسى جەرگىلىكتى فيليالى باستاعان «بالالارعا ارنالعان تەگىن IT-سىنىپتار» جوباسىنىڭ ءبىرىنشى كەزەڭى اياقتالۋعا جاقىن. «YBYRAI» جاس پروگرامميستەر ليگاسى» قوعامدىق قورىنىڭ ديرەكتورى ءازيزا شوجەەۆانىڭ ايتۋىنشا, قالالار مەن اۋدانداردا 15 IT-سىنىپتا وقىتۋ باستالدى. سىنىپتاردا ەلىمىزدىڭ جوعارى وقۋ ورىندارىن تەحنيكالىق ماماندىقتار بويىنشا بىتىرگەن تۇلەكتەرى جۇمىس جاسايدى. بولاشاق IT-مامانى, جوباعا قاتىسۋشى الماس نۇراحمەتوۆ. ول اۋتيزممەن اۋىراتىن بالالارعا ارنالعان موبيلدىك قوسىمشا جاساۋمەن اينالىسۋدا.
جەرگىلىكتى فيليال توراعاسىنىڭ ورىنباسارى ي. تەرەنچەنكونىڭ ايتۋىنشا, «نۇر وتان» پارتياسىنىڭ جوباسى قالادا, اۋىلداردا تۇراتىن بالالاردى Iت-بىلىمگە باۋلۋ ءۇشىن جۇرگىزىلۋدە. وقۋشىلار جاستايىنان تەحنولوگيا ءتىلىن مەڭگەرىپ, سايتتار, قاراپايىم الگوريتمدەر, كومپيۋتەرلىك ويىندار قۇرۋ, ەۋروپالىق ستاندارتتارعا ساي كەلەتىن انيماتسيالار جاساۋدىڭ قىر-سىرىن مەڭگەرەدى. ءبىرى حيميا ءپانىنىڭ كۇردەلى ەسەپتەرىن شەشۋگە كومەكتەسەتىن جوبا قۇراستىرسا, ءبىرى اۋتيزم اۋرۋىنا شالدىققان بالالارعا جاردەمدەسەتىن جوباسىن ۇسىندى.
-ءبىز پاۆلودارعا كەلگەندە IT-سىنىپتاردىڭ جۇمىس بارىسىمەن تانىستىق. ينفورماتيكا نەگىزدەرىن تەرەڭدەتىپ وقۋ ارقىلى وقۋشىلار ەندى IT-سىنىپتاردا بىلىمدەرىن ءىس جۇزىندە كورسەتۋدە. بۇل قاناتتى جوبا رەتىندە سىزدەردىڭ وبلىستا باستالدى. كىتاپحانالاردا اشىلعان كوۆوركينگ-ورتالىقتار قازىرگى كۇنگى جاڭاشىلدىعى, بالالار جاسالعان ۇلكەن مۇمكىندىك. وقۋشىلار سارايىنىڭ استرونوميا, جاس جۋرناليستەردى, ديكتورلاردى, كينەموتوگرافيستەردى دايىندايتىن ورتالىعى مەنى تاڭقالدىردى. بۇل باسقا وڭىرلەرگە دە قاجەت, ۇلگى ەتەر, جالعاسىن تابار جارقىن جاڭالىق,-دەدى تامارا دۇيسەنوۆا.
فاريدا بىقاي,
«ەگەمەن قازاقستان»
پاۆلودار
سۋرەتتى تۇسىرگەن: كونستانتين مۋزالەۆسكي