«نۇر وتان» پارتياسىنىڭ ماڭعىستاۋ وبلىستىق فيليالى «نۇرلى جەر» مەملەكەتتىك باعدارلاماسى اياسىندا پارتيالىق تىڭداۋ وتىرىسىن وتكىزدى. وتىرىسقا ماڭعىستاۋ وبلىستىق ءماسليحاتىنىڭ دەپۋتاتتارى, «نۇر وتان» پارتياسى ماڭعىستاۋ وبلىستىق فيليالىنىڭ قىزمەتكەرلەرى, بۇقارالىق اقپارات قىزمەتكەرلەرى قاتىستى.
پارتيالىق تىڭداۋ وتىرىسىن «قولجەتىمدى باسپانا» باعىتى بويىنشا «نۇر وتان» پارتياسى ماڭعىستاۋ وبلىستىق فيليالى توراعانىڭ ءبىرىنشى ورىنباسارى, وبلىستىق ءماسليحات دەپۋتاتى تۋمىشەۆ نۋري لازار ۇلى جۇرگىزدى.
وتىرىستىڭ باسىندا مەملەكەت باسشىسىنىڭ ءبىرىنشى باستاماسى «7-20-25» باعدارلاماسى بويىنشا ء«اربىر وتباسىنا باسپانا الۋدىڭ جاڭا مۇمكىندىكتەرىن بەرۋ» تۋرالى ايتىلدى. بۇل جونىندە ماڭعىستاۋ وبلىستىق فيليالى ۇلتتىق بانك ديرەكتورىنىڭ ورىنباسارى سۋگيروۆ نۋرلان التىنبەرگەن ۇلى ايتىپ بەردى.
-«7-20-25» باعدارلاماسى ۇلتتىق بانكى باسقارماسىنىڭ 2018 جىلعى 31 مامىرداعى № 107 قاۋلىسىمەن «7-20-25. ءاربىر وتباسىنا باسپانا الۋدىڭ جاڭا مۇمكىندىكتەرىن بەرۋ» يپوتەكالىق تۇرعىن ءۇي كرەديتتەۋ باعدارلاماسى (بۇدان ءارى – باعدارلاما) بەكىتىلدى. ۇستىمىزدەگى جىلدىڭ ەكىنشى جارتى جىلدىعىندا ىسكە قوسىلادى دەلىنگەنمەن, زاڭناما ءالى قابىلدانعان جوق. ويتكەنى باعدارلاما ءالى تولىق ءپىسىپ جەتىلمەگەن, ايتىلىپ جاتقان ۇسىنىس پىكىرلەر دە از ەمەس. ولاردىڭ بارلىعى قاپەرگە الىناتىن بولادى. باعدارلاما بويىنشا رەسمي تۇردە نەسيە بەرىلەر كەزدە ۇلتتىق بانك ينتەرنەت رەسۋرسى ارقىلى جاريالانادى جانە باق-تا ارنالعان بريفينگ وتكىزىلەتىن بولادى, -دەدى ول.
گۇلايىم شىنتەمىرقىزى,
«ەگەمەن قازاقستان»
ماڭعىستاۋ وبلىسى