1960 جىلدارى ارال تەڭىزىنىڭ اۋماعى 67 499 شارشى مەترگە جەتكەندىگى بەلگىلى.
بىراق, كسرو كەزىندە سۋدى ءتيىمسىز پايدالانۋدان تەڭىز تارتىلىپ, جاعالاۋدى جۇزدەگەن شاقىرىمعا تاستاپ كەتكەن. وسىنداي قيىن جاعدايدا ەلباسىنىڭ ارقاسىندا سىرداريا ارناسىن رەتتەۋ جانە سولتۇستىك ارال تەڭىزىن قالپىنا كەلتىرۋ جوباسى قولعا الىنعان بولاتىن.
- ارال تەڭىزىن ساقتاپ قالۋدى ەلباسى بيىك مىنبەرلەردەن ايتا باستادى. ورتا ازيا مەملەكەتتەرى باسشىلارىن جيناپ عاسىر جوباسىن قۇرۋدا باستاماشى بولدى. وسىلايشا 2003-2005 جىلدارى بۇكىلالەمدىك بانكتىڭ قاتىسۋىمەن سىرداريا ارناسىن رەتتەۋ جانە سولتۇستىك ارال تەڭىزىن قايتا قالپىنا كەلتىرۋ جوباسى ىسكە اسا باستادى. بۇل شەشىم ءبىر ايماق ءۇشىن عانا ەمەس, بۇكىل عالام ەكولوگياسى ءۇشىن ماڭىزدى بولدى. سول ءۇشىن عاسىر جوباسى اتاۋىن الدى. بۇل جوبانىڭ نەگىزگى قۇرىلىس نىسانى كىشى ارالدى ساقتاپ قالۋعا نەگىز بولعان كوكارال سۋ تورابى. بيىل جوبانىڭ ەكىنشى كەزەڭى ىسكە قوسىلدى,-دەيدى ارال اۋداندىق ورمان شارۋاشىلىعى جانە جانۋارلار دۇنيەسىن قورعاۋ كاسىپورنىنىڭ ديرەكتورى فايزۋللا سماعۇلوۆ.
باقتيار تايجان,
«ەگەمەن قازاقستان».
قىزىلوردا وبلىسى.