2018 جىلدىڭ 1 شىلدەسىنەن باستاپ قازاقستانداعى مەديتسينالىق ۇيىمدار ناۋقاستاردى قاعازسىز قابىلداۋعا كوشەدى, دەپ حابارلايدى قازاقپارات.
سايكەسىنشە, ناۋقاستارعا امبۋلاتوريالىق كارتالار مەن فليۋروگرافيالىق جازبالاردى الىپ ءجۇرۋدىڭ قاجەتى بولمايدى. مەديتسينالىق قىزمەت الۋ ءۇشىن ولارعا جەكە كۋالىكتى كورسەتۋ جەتكىلىكتى.
«بيىل 1 قاڭتاردان باستاپ, 4 وبلىس (قاراعاندى, قوستاناي, بقو) قاعازسىز اۋرۋحانالار پيلوتتىق جوباسىنا ەندى. 1 ساۋىردەن باستاپ, بۇل پيلوتتىق جوباعا تاعى 4 ايماق (وقو, ماڭعىستاۋ, پاۆلودار, سقو) قوسىلدى. 1 شىلدەدەن باستاپ - قالعان وڭىرلەردىڭ بارلىعى جانە استانا مەن الماتى قالالارى ناۋقاستاردى قاعاسىز قابىلداۋعا كوشەدى. ياعني, پيلوتتىق جوبا اياسىندا امبۋلاتوريالىق كارتالار جويىلادى. 2019 جىلدىڭ 1 قاڭتارىنان باستاپ, تەگىن مەديتسينالىق كومەكتىڭ كەپىلدەندىرىلگەن كولەمىن كورسەتەتىن بارلىق مەديتسينالىق ۇيىمدار 100% تەك قانا اقپاراتتىق جۇيەلەردە جازبا جۇرگىزەدى جانە اقپاراتتار قاعازعا كوشىرىلمەيدى», - دەدى دەنساۋلىق ساقتاۋ ۆيتسە-ءمينيسترى ولجاس ابىشەۆ ۇكىمەتتە وتكەن ءباسپاسوز ءماسليحاتىندا.
ۆيتسە-ءمينيستردىڭ ايتۋىنشا, قازىردىڭ وزىندە ەلەكتروندى ۇكىمەت پەن مەديتسينالىق اقپاراتتىق جۇيەلەر كومەگىمەن دارىگەرگە ونلاين-پورتالدار ارقىلى جازىلۋ, دارىگەردى ۇيگە شاقىرۋ قىزمەتتەرىن پايدالانۋعا بولادى.