الماتى قالاسىنداعى حالىقارالىق بيزنەس ۋنيۆەرسيتەتىنىڭ ستۋدەنتتەرى بەلگىلى جۋرناليست, «نۇر وتان» حدپ ساياسي كەڭەسىنىڭ مۇشەسى بيگەلدى عابدۋللينمەن كەزدەستى.
كەزدەسۋدە تاۋەلسىزدىكتىڭ 20 جىلدىعىندا قازاقستاننىڭ قول جەتكىزگەن جەتىستىكتەرى مەن قوعامدى شىنايى اقپاراتپەن قامتاماسىز ەتۋدە جانە ەلدى دۇرىس باعىتقا باستاۋدا بۇقارالىق اقپارات قۇرالدارىنىڭ ءرولى قانداي بولۋى كەرەك ەكەندىگى, ءبىلىم بەرۋ جۇيەسىندە ءتيىمدى رەفورمالاردى جاڭعىرتۋ, پارلامەنت ءماجىلىسىنىڭ سايلاۋى قارساڭىنداعى ەلىمىزدىڭ پارتيالىق بەلسەندىلىگى قانداي دەگەن ماسەلەلەر ءسوز بولدى. سونىمەن قاتار, بەلگىلى جۋرناليست پەن ستۋدەنت جاستاردىڭ اراسىندا ەركىن پىكىر الماسۋ مۇمكىندىگى ورناپ, ءبۇگىنگى قوعامدا قىزۋ تالقىعا ءتۇسىپ جۇرگەن ساياسي, ەكونوميكالىق جانە الەۋمەتتىك تاقىرىپتار دا قوزعالدى.
قانات ەسكەندىر,
الماتى.