ەلەكتروندى مەموريال

ۇلى وتان سوعىسىنداعى قازاقستاندىقتار تۋرالى دەرەكتەر سايتتارعا قويىلدى

ەل تاۋەلسىزدىگىنىڭ 20 جىل­دىعى قار­ساڭىندا قازاقستان رەس­پۋبلي­كا­سى قورعانىس مينيس­تر­لى­گىنە رەسەي فەدەراتسيا­سى قورعانىس ۆەدومستۆو­سى ۇلى وتان سوعىسى كەزىندە قازاقستاننىڭ تۇك­­پىر-تۇكپىرىنەن سو­عىسقا اتتانىپ, قاي­تىس بول­عاندار مەن حابار-وشارسىز كەتكەندەردىڭ دەرەكتەرىن تابىس ەتتى. بۇل دەگەنىڭىز, ءبىزدىڭ وتانىمىزدى قورعاۋدا قاي­تىس بولعاندار مەن حابار-وشارسىز كەتكەندەر ءۇشىن لايىقتى ەسكەرتكىش بولماق. ەلەكتروندى تاسىمال قۇرالدا­رىندا ساقتالعان دەرەكتەر رەسەي فەدەراتسياسى قورعانىس مينيستر­لىگىنىڭ ورتالىق مۇراجايىنداعى جانە رف قك اسكەري-مەموريالدىق ورتالىعىنىڭ رەسمي مۇراعات قۇ­جات­تارىنان جيناقتالدى. ءمالى­مەت­تەر اسكەري بولىمدەردىڭ ورنى تولماس شىعىندارى تۋرالى حا­بارلامالارى مەن باسقا دا مۇرا­عاتتىق قۇجاتتارى نەگىزىندە, قارا قاعازدار مەن گوسپيتال جانە مەدسانبات قۇجاتتارىنان, كەڭەس اسكە­ري تۇتقىندارىنىڭ جەكە كارتوچ­كالارىنان, سونداي-اق جەرلەنگەن كەڭەس وفيتسەرلەرى مەن سارباز­دا­رى­نىڭ تولقۇجاتتارىنان الىندى. دەرەكتەردە قايتىس بولعان ادام­­نىڭ اسكەري شەنى, قاي ءبو­لىمدە قىزمەت اتقارعاندىعىن, قايتىس بولعان كۇنى مەن سەبەبىن (مەرت بولدى, جاراقاتتان قايتتى, حابار-وشارسىز كەتتى) جانە قاي جەرگە جەرلەنگەندىگىن بىلۋگە بولادى. اقپاراتتىق انىقتامادا 587000-نان استام قازاقستاندىق­تار­دىڭ مالىمەتى بار. انىق­تا­ما قازاقستان رەسپۋبليكاسى قورعا­نىس مينيسترلىگىنىڭ (mod.gov.kz) رەسمي سايتىنا ورنالاستىرىلعان. مايدانگەر-جاۋىنگەرلەردىڭ ەلەك­تروندى دەرەكتەرىمەن تانىسۋعا مۇمكىندىك مول. ەلەكتروندى مەموريال – ءبىزدىڭ باتىر اتالارى­مىز بەن اكەلەرىمىزدىڭ ۇرپاقتا­رىنا, بارلىعىمىزعا قاجەت. وكسانا پارپۋرا, قورعانىس مينيسترلىگى ءباسپاسوز قىزمەتىنىڭ قىزمەتكەرى. سۋرەتتى تۇسىرگەن ەرمەك سارباسوۆ.