تاۋەلسىزدىك ورناپ, ەكونوميكامىز وركەندەپ, ءومىرىمىز ءماندى دە ءساندى بولا تۇسۋدە. بۇل ورايدا, ءتۇرلى سالادا دا ايتارلىقتاي جۇمىس اتقارىلىپ جاتىر. الار اسۋ ءالى الدا. قارجى ساياساتىن بۇلجىتپاي ورىنداۋ دا ماڭىزدى.
قازاقستان رەسپۋبليكاسىنىڭ پرەزيدەنتى ن.ءا.نازارباەۆ قازاقستان حالقىنا ارناعان بيىلعى جولداۋىندا: «سالىق جانە كەدەن ساياساتىن رەفورمالاۋ كۇللى ەكونوميكالىق جاڭارۋ ساياساتىنىڭ ماڭىزدى قۇرالى بولۋى كەرەك جانە ەكونوميكامىزدىڭ جاڭا سالالارىن ءارتاراپتاندىرۋ مەن دامىتۋدى ىنتالاندىرۋ ارقىلى, بۇل سالالارعا شەتەل كاپيتالىن تارتۋ ماقساتىندا يكەمدى سالىق جانە بيۋدجەت ساياساتىن پايدالانۋ ماڭىزدى» − دەپ اتاپ كورسەتىلدى.
ەلىمىزدىڭ تاۋەلسىزدىگىنىڭ 20 جىلدىعىنا وراي جانە سالىق ساياساتىنداعى جۇزەگە اسىرىپ جاتقان ءىس-شارالارىن ناسيحاتتاۋ, سالىق تولەۋشىلەردىڭ اراسىندا «سالىق مادەنيەتىن» قالىپتاستىرۋ, ءاربىر تۇلعانىڭ سالىق تولەۋگە دەگەن ازاماتتىق بورىشىن ارتتىرۋدا استانا قالاسىنىڭ ۇلتتىق اكادەميالىق كىتاپحاناسىندا «قازاقستان رەسپۋبليكاسىنىڭ سالىق ساياساتى» تاقىرىبىندا «تۇران-استانا» ۋنيۆەرسيتەتىنىڭ اعا وقىتۋشىسى, ەكونوميكا عىلىمدارىنىڭ كانديداتى, «سالىق جانە سالىق سالۋ» وقۋلىعىنىڭ اۆتورى عالىمجان كەرىمبەك تاعىلىمدى ءدارىس وقىدى.
كىتاپحانا وقىرماندارى مەن «تۇران-استانا» ۋنيۆەرسيتەتىنىڭ, ل.ن. گۋميلەۆ اتىنداعى ەۋرازيا ۇلتتىق ۋنيۆەرسيتەتىنىڭ, س.سەيفۋللين اتىنداعى قازاق اگرارلىق-تەحنيكالىق ۋنيۆەرسيتەتىنىڭ ءجانە تاعى باسقا وقۋ ورىندارىنىڭ ستۋدەنتتەرى كوتەرىلگەن ماسەلەنى كەڭىنەن تالقىلاۋعا ءوز ۇلەستەرىن قوستى. اتالعان وقۋ ورىندارىنان دارىسكە قاتىسقان وقىتۋشى-عالىمدار جالپى ءدارىس جانە «سالىق جانە سالىق سالۋ» وقۋلىعى بويىنشا ءوز كوزقاراستارىن ءبىلدىردى. جالپى العاندا بۇل جيىن ءتالىمدى بولدى.
ساپيا تاجىكەنوۆا, «تۇران-استانا» ۋنيۆەرسيتەتى ەكونوميكالىق پاندەر كافەدراسىنىڭ مەڭگەرۋشىسى, ەكونوميكا عىلىمدارىنىڭ كانديداتى.