«ورلەۋ» بىلىكتىلىكتى ارتتىرۋ ۇلتتىق ورتالىعى» اق-تىڭ ۇيىمداستىرۋىمەن وتكەن «تالىمگەرلىك – پەداگوگتىڭ كاسىبي دامۋىنىڭ العىشارتى» اتتى حالىقارالىق «Workshop Time» سەمينارى ماعجان جۇماباەۆتىڭ – 125, ۆاسيلي سۋحوملينسكيدىڭ 100 جىلدىعىنا ارنالدى. جيىنعا بارلىق وڭىردەن جانە رەسەيدەن پەداگوگ كادرلارىنىڭ بىلىكتىلىگىن ارتتىرۋ قۇرىلىمدارىنىڭ جەتەكشىلەرى مەن وكىلدەرى قاتىستى.
G M T وپرەدەليت يازىكازەربايدجانسكيالبانسكيانگليسكيارابسكيارميانسكيافريكاانسباسكسكيبەلورۋسسكيبەنگالسكيبيرمانسكيبولگارسكيبوسنيسكيۆالليسكيۆەنگەرسكيۆەتنامسكيگاليسيسكيگرەچەسكيگرۋزينسكيگۋدجاراتيداتسكيزۋلۋيۆريتيگبويديشيندونەزيسكييرلاندسكييسلاندسكييسپانسكييتاليانسكييورۋباكازاحسكيكانناداكاتالانسكيكيتايسكي (ۋپر)كيتايسكي (تراد)كورەيسكيكرەولسكي (گايتي)كحمەرسكيلاوسسكيلاتينسكيلاتىشسكيليتوۆسكيماكەدونسكيمالاگاسيسكيمالايسكيمالايالاممالتيسكيماوريماراتحيمونگولسكينەمەتسكينەپالينيدەرلاندسكينورۆەجسكيپاندجابيپەرسيدسكيپولسكيپورتۋگالسكيرۋمىنسكيرۋسسكيسەبۋانسكيسەربسكيسەسوتوسينگالسكيسلوۆاتسكيسلوۆەنسكيسوماليسۋاحيليسۋدانسكيتاگالسكيتادجيكسكيتايسكيتاميلسكيتەلۋگۋتۋرەتسكيۋزبەكسكيۋكراينسكيۋردۋفينسكيفرانتسۋزسكيحاۋساحينديحمونگحورۆاتسكيچەۆاچەشسكيشۆەدسكيەسپەرانتوەستونسكيياۆانسكيياپونسكي ازەربايدجانسكيالبانسكيانگليسكيارابسكيارميانسكيافريكاانسباسكسكيبەلورۋسسكيبەنگالسكيبيرمانسكيبولگارسكيبوسنيسكيۆالليسكيۆەنگەرسكيۆەتنامسكيگاليسيسكيگرەچەسكيگرۋزينسكيگۋدجاراتيداتسكيزۋلۋيۆريتيگبويديشيندونەزيسكييرلاندسكييسلاندسكييسپانسكييتاليانسكييورۋباكازاحسكيكانناداكاتالانسكيكيتايسكي (ۋپر)كيتايسكي (تراد)كورەيسكيكرەولسكي (گايتي)كحمەرسكيلاوسسكيلاتينسكيلاتىشسكيليتوۆسكيماكەدونسكيمالاگاسيسكيمالايسكيمالايالاممالتيسكيماوريماراتحيمونگولسكينەمەتسكينەپالينيدەرلاندسكينورۆەجسكيپاندجابيپەرسيدسكيپولسكيپورتۋگالسكيرۋمىنسكيرۋسسكيسەبۋانسكيسەربسكيسەسوتوسينگالسكيسلوۆاتسكيسلوۆەنسكيسوماليسۋاحيليسۋدانسكيتاگالسكيتادجيكسكيتايسكيتاميلسكيتەلۋگۋتۋرەتسكيۋزبەكسكيۋكراينسكيۋردۋفينسكيفرانتسۋزسكيحاۋساحينديحمونگحورۆاتسكيچەۆاچەشسكيشۆەدسكيەسپەرانتوەستونسكيياۆانسكيياپونسكي زۆۋكوۆايا فۋنكتسيا وگرانيچەنا 200 سيمۆولامي ناسترويكي : يستوريا : وبراتنايا سۆياز : Donate زاكرىت
«Workshop Time» يننوۆاتسيالىق فورماداعى تالىمگەرلىك تاقىرىبىنا قىزىعۋشىلىق تانىتاتىن ادامداردى بىرىكتىرەتىن تانىمدىق عىلىمي-پەداگوگيكالىق قاۋىمداستىق بولىپ ەسەپتەلەدى. ونىڭ باستى ماقساتى – ۇلاعاتتى ۇستازداردىڭ ءىس-تاجىريبەلەرىن جاستارعا تانىستىرۋ, تاراتۋ, تابىسقا جەتۋ سىرلارىن ورتاعا سالۋ. وڭىرىمىزدە العاش رەت وتكىزىلگەن شاراعا ەلىمىزدىڭ ءار قيىرىنان 200-دەن استام مۇعالىم كەلىپ, زاماناۋي ءبىلىم بەرۋدىڭ بىرەگەي مودەلدەرى مەن تالىمگەرلىك تۇرلەرىن تالقىلاۋ ەركىن اڭگىمە, اشىق ديالوگ تۇرىندە ءوربىدى.
القالى باسقوسۋدى «ورلەۋ» بىلىكتىلىكتى ارتتىرۋ ۇلتتىق ورتالىعى» اق-تىڭ توراعاسى, ۇلتتىق عىلىم اكادەمياسىنىڭ كوررەسپوندەنت-مۇشەسى, پەداگوگيكا عىلىمدارىنىڭ دوكتورى گۇلناز احمەتوۆا كىرىسپە سوزبەن اشىپ, قىزمەتكە جاڭادان ورنالاسقان مۇعالىمدى ورتاعا بەيىمدەۋ, شەبەرلىگىن شىڭداۋ, جان-جاقتى قولداۋ كورسەتۋ ماسەلەلەرى اياسىندا اتقارىلعان جۇمىستارمەن قاتار قوردالانعان پروبلەمالارعا دا توقتالدى. پەداگوگتەر بەس جىلدا ءبىر رەت كاسىبي بىلىكتىلىگىن ارتتىرۋ كۋرستارىنان وتەدى. مەنىڭشە, بۇل جەتكىلىكسىز. ولارعا قويىلاتىن مىندەتتەردىڭ اۋقىمدىلىعىن, ۋاقىتتىڭ كۇردەلىلىگىن ەسكەرە وتىرىپ, مەرزىم ارالىعىن قىسقارتقان دۇرىس. وعان تەحنيكالىق تا, ماتەريالدىق تا مۇمكىندىكتەر تولىق جەتەدى. بۇگىندە تالىمگەرلىك سەمينار-بايقاۋلاردىڭ 51 پايىزدايى مەكتەپتەردە وتكىزىلىپ ءجۇر. مۇنىڭ جاس مۇعالىمدەر ءۇشىن كومەگى وتە زور», دەدى ول. سونداي-اق وقۋ ورنىن ءبىتىرىپ كەلگەن ماماندار اراسىندا تۇراقتاماي وتىرعانىن اتاپ ءوتتى. 2016-2017 وقۋ جىلىندا ەلىمىزدىڭ ءبىلىم وشاقتارىندا ءۇش جىلعا دەيىن ەڭبەك ءوتىلى بار 34 مىڭنان استام مۇعالىم ەڭبەك ەتسە, بۇگىندە بەستەن ءبىرى باسقا قىزمەتتەرگە اۋىسقان.
باستى سەبەبى – تولىققاندى كومەكتەردىڭ كورسەتىلمەيتىنى, الەۋمەتتىك جاعدايلاردىڭ جاسالمايتىنى. بىلىكتى ۇستازداردىڭ, مەكتەپ باسشىلىعىنىڭ تالىمگەرلىك قوزعالىستى جانداندىرۋدىڭ ورنىنا كەجەگەسى كەيىن تارتاتىن جايتتار دا كەزىگەدى. شەتەلدەردە تالىمگەرلىك ءداستۇرى كەڭىنەن قانات جايعان. ارنايى باعدارلامالار جۇمىس ىستەيدى. ىنتالى, تالاپتى جاستاردىڭ ءوز ماماندىعىنا دەگەن ماقتانىش سەزىمىن, جاۋاپكەرشىلىگىن ارتتىرامىز دەسەك, وسى ءۇردىستى كەڭىنەن ەنگىزگەن ءجون. ماسەلەن, ەۋروپانىڭ بىرقاتار مەملەكەتىندە جاس ۇستازداردى ءوز ىسىنە باۋلىپ, جوعارى كاسىبي مامان رەتىندە دايىنداپ شىققان تالىمگەرلەردىڭ جالاقىسى كوبەيتىلىپ, ساعاتتارى قىسقارتىلادى. وسى ورايدا سىر وڭىرىندە قالىپتاسقان وڭ ۇردىستەر قۇپتارلىق. قىزىلوردا وبلىستىق «ورلەۋ» پەداگوگ قىزمەتكەرلەرىنىڭ بىلىكتىلىگىن ارتتىرۋ ينستيتۋتىنىڭ ديرەكتورى باۋىرجان ەلەۋسىنوۆتىڭ ايتۋىنشا, 25 مىڭعا جۋىق مۇعالىمنىڭ 60 پايىزدايى جاستار. ارقايسىسىنا تاجىريبەلى ۇستازدار بەكىتىلىپ بەرىلگەن.
دۇرىس نۇسقاۋ بەرىپ, جول كورسەتۋدىڭ ارقاسىندا كادر تۇراقتاماۋشىلىعى ازايىپ, كەرىسىنشە ءوز ىسىنە ىنتالى جاستار قاتارىنىڭ ارتقانى بايقالادى. ال پەتروپاۆل قالاسىنداعى ع. مۇسىرەپوۆ اتىنداعى № 43 مەكتەپتىڭ قازاق ءتىلى جانە ادەبيەتى پاندەرىنىڭ مۇعالىمى ايجان يبراەۆا «رۋحاني جاڭعىرۋ» باعدارلاماسى نەگىزىندە ازىرلەگەن تالىمگەرلىكپەن اينالىسۋ جوباسىمەن تانىستىردى. 34 ساعاتتى قۇرايتىن باعدارلامادا مۇعالىمدەر مەن وقۋشىلاردىڭ قارىم-قاتىناسى, جاس ۇرپاق تاربيەسى, ءوڭىر تاريحى, كيەلى جەرلەر كەڭىنەن قامتىلعان. الداعى ۋاقىتتا تالىمگەرلىك ەتۋ ۇلگىسىن تولىقتىرىپ, باسقا مەكتەپتەرگە ۇسىنباق.
«پەداگوگيكالىق اۋلەت – كاسىبي دامۋ مەكتەبى» پلەنارلىق وتىرىسىندا قاجىتاي مولداباەۆتىڭ ءومىر جولى ۇلگى-ونەگە رەتىندە ۇسىنىلدى. ارداگەر ۇستاز سانالى عۇمىرىنىڭ 44 جىلىن بالا تاربيەسىنە ارناپتى. اۋلەتىمەن تۇگەل مۇعالىمدىك ماماندىقتى تاڭداپتى. ءبارىنىڭ جۇمىس ءوتىلىن قوسقاندا 400 جىلعا جۋىقتايدى. تالىمگەرلىكتىڭ ومىرشەڭ ادىستەمەسى رەتىندە «OrleuOnlineResourses» جوباسى تانىستىرىلىمىندا اقپاراتتىق وزىق تەحنولوگيالار, كاسىبي تابىسقا جەتۋ جولدارى, عىلىمي جاڭاشىلدىقتار, مەكتەپتەن بىلىكتىلىكتى ارتتىرۋ جۇيەسىنە دەيىنگى ءوزارا ارەكەتتەستىك ماسەلەلەرى تاقىرىپ ارقاۋىنا اينالدى.
قورعان الەۋمەتتىك تەحنولوگيالار جانە ءبىلىم بەرۋ سالاسىن دامىتۋ ينستيتۋتىنىڭ پرورەكتورى, پەداگوگيكا عىلىمدارىنىڭ كانديداتى الەكساندر شاتنيح, وبلىستىق ءبىلىم باسقارماسى باسشىسىنىڭ ورىنباسارى كۇلپاش قالعوجينا, سولتۇستىك قازاقستان پەداگوگ قىزمەتكەرلەرىنىڭ بىلىكتىلىگىن ارتتىرۋ مەكەمەسىنىڭ جەتەكشىسى الما مىرزالينوۆا, كوكشەتاۋ ۋنيۆەرسيتەتىنىڭ پروفەسسورى سابىر سەڭكىباەۆ, تاعى باسقالار بارلىق دەڭگەيدەگى ءبىلىم بەرۋ ۇيىمدارىندا, پەداگوگتەر اراسىندا تالىمگەرلىكتى ۇيىمداستىرۋدىڭ, كاسىبي بايقاۋلاردىڭ ساپاسىن ارتتىرۋمەن, مازمۇنىن جەتىلدىرۋدىڭ تولعاقتى جايتتارىن اڭگىمەلەدى.
ءومىر ەسقالي,
«ەگەمەن قازاقستان»
سولتۇستىك قازاقستان وبلىسى