پارلامەنت سەناتىندا اگرارلىق ماسەلەلەر, تابيعاتتى پايدالانۋ جانە اۋىلدىق اۋماقتاردى دامىتۋ كوميتەتىنىڭ مۇشەلەرى ەلىمىزدىڭ اۋىل شارۋاشىلىعى مينيسترلىگىنىڭ جانە اقپارات جانە كوممۋنيكاتسيالار مينيسترلىگىنىڭ باسشىلارىمەن بىرگە مەملەكەتتىك جەر كاداسترىن جانە جەردى پايدالانۋ مەن قورعاۋدى مەملەكەتتىك باقىلاۋدى جۇرگىزۋ ماسەلەلەرىن تالقىلادى.
وتىرىستى كىرىسپە سوزبەن اشقان سەناتتىڭ اگرارلىق ماسەلەلەر, تابيعاتتى پايدالانۋ جانە اۋىلدىق اۋماقتاردى دامىتۋ كوميتەتىنىڭ توراعاسى ج.نۇرعاليەۆ ماسەلەنىڭ ەلىمىز ءۇشىن ماڭىزىنا توقتالىپ ءوتتى.
اتالعان ماسەلە بويىنشا اۋىل شارۋاشىلىعى ۆيتسە-ءمينيسترى ەرلان نىسانباەۆتىڭ, اقپارات جانە كوممۋنيكاتسيالار ۆيتسە-ءمينيسترى دارىن تۇياقوۆتىڭ, جەر رەسۋرستارىن باسقارۋ كوميتەتىنىڭ توراعاسى ەرمەك كارەنتاەۆ جانە «ازاماتتارعا ارنالعان ۇكىمەت» مەملەكەتتىك كورپوراتسياسى» كەاق باسقارما توراعاسىنىڭ ورىنباسارى عالىم قارقىنباەۆتىڭ باياندامالارى تىڭدالدى. بايانداماشىلار, مينيسترلىكتەر وكىلدەرى دەپۋتاتتاردىڭ قويعان سۇراقتارىنا جاۋاپ بەردى.
وتىرىستا دەپۋتاتتار تاراپىنان جەر كاداسترىن جۇرگىزۋ ماسەلەسىنە قاتىستى بىرقاتار سىن-ەسكەرتپەلەر ايتىلىپ, قورىتىندىسىندا جەر كاداسترىن جۇرگىزۋ, ونىڭ اۆتوماتتاندىرىلعان جۇيەسىنىڭ جۇمىسىن رەتكە كەلتىرۋ ءۇشىن مۇددەلى مەملەكەتتىك ورگاندار ءۇشىن ءتيىستى نۇسقاۋلىق قۇجاتتار ازىرلەۋ جونىندە شەشىم قابىلداندى.
سۇڭعات ءالىپباي,
«ەگەمەن قازاقستان»