الماتىدا تۇركى كەڭەسىنىڭ تۋريزم بويىنشا جۇمىس توبى باس قوستى

قازاقستان, تۇركيا, ازەربايجان جانە قىرعىزستان وكىلدەرى قاتىسقان كەزدەسۋ بارىسىندا تۋريزم تاقىرىبىندا تالاي تارتىمدى اڭگىمەلەردىڭ تيەگى اعى­تىلدى. الما-كەزەك ءسوز العان ءار تاراپ وسى جوبانىڭ مىندەتى مەن ماقساتى, ءمانى مەن ماڭىزىنا توقتالا كەلە, بۇل كۇندەرى وسى باعىتتا قانداي جۇمىستار اتقارىلىپ جاتقانى جايىندا باياندادى. سونىمەن قاتار ولار الداعى جوسپارلارىمەن دە ءبولىستى. 

– 2014 جىلى بودرۋمدا وتكەن تۇر­كى كەڭەسىنىڭ سامميتىندە قابىلدانعان شەشىمگە سايكەس, قازاقستان, تۇركيا, قىرعىزستان جانە ازەربايجاننىڭ تاريحي-مادەني مۇرالارىن الەمدىك دەڭگەيدە ناسيحاتتاي وتىرىپ, اتالعان ەلدەردىڭ تۋريزم سالاسىن دامىتۋعا بارىنشا كۇش سالۋىمىز قاجەت. حا­لىقارالىق تۋريزم سالاسىنداعى سوڭعى ءۇردىس – قازىرگى كەزدە تۋريستەر تەك تەڭىز بەن جاعاجايدا دەمالۋمەن شەكتەلىپ قالماي, سول ەلدەردىڭ مادەني مۇرالارىن تانۋعا بارىنشا ۇمتىلادى. وسى ورايدا, قازاقستاندا دا كورىكتى جەرلەر از ەمەس ەكەنى بارشاعا ايان. الماتى, تاراز, شىمكەنت جانە تۇركىستانداعى تاريحي ەسكەرتكىشتەر, ارىستان باب پەن قوجا احمەت ياساۋي سياقتى الەمگە تانىمال تۇلعالار, ورتالىق ازياعا عانا ءتان ساۋلەت ونەرى جانە باسقا دا كەرەمەتتەر وزگە مەملەكەتتەردەن كەلگەن قو­ناقتاردىڭ قىزىعۋشىلىعىن تۋدىراتىنىنا سەنىمدىمىز. ءبىز ۇسىناتىن تۋريستىك پاكەتتىڭ باعاسى ەۋروپا جانە امەريكا نارىعىمەن سالىستىرعاندا ەداۋىر ارزان ەكەنىن دە اتاپ وتكەن ءجون. ال تۇركيا مەن باسقا ەلدەر ءۇشىن تۋريستەردىڭ قال­تاسىنا سالماق تۇسىرمەيتىن باعا قاراستىرىلىپ جاتىر», – دەدى تۇركى كەڭەسى باس حاتشىسىنىڭ ورىنباسارى ومەر كودجامان. 

تۇركيانىڭ الماتىداعى باس كونسۋلى رىزا قاعان يىلماز تۇركيانى كورۋگە قۇشتار قازاقستان ازاماتتارىنىڭ قاتارى كۇن وتكەن سايىن كوبەيىپ كەلە جاتقانىن جانە تۇركيا تاراپىنان دا قازاق ەلىنە كەلۋگە قۇشتارلىق تانىتىپ وتىرعانداردىڭ سانى ارتقانىن ايتتى. ءوز ءسوزىن ول: ««زاماناۋي جىبەك جولى» جوباسى تۇركى ەلدەرىنىڭ ءبىر-بىرىنە تانىلۋىنا جانە ناسيحاتتالۋىنا سەپتىگىن تيگىزەتىنى انىق», – دەپ قورىتىندىلادى. 

عالىم سۇلەيمەن, «ەگەمەن قازاقستان»

الماتى