اقپاراتتاندىرۋ جۇمىسى جۇرگىزىلۋدە

جيىن بارىسىندا ول الەۋمەتتىك جەلى­دەگى جەلدەي ەسكەن كەيبىر اقپاراتتاردىڭ شىندىققا جاناسپايتىنىن العا تارتىپ, وسى رەتتە دەنساۋلىق ساقتاۋ سالاسىنىڭ ماماندارى سەنىمدى مالىمەتتەردى بەرىپ وتىراتىنىن تىلگە تيەك ەتتى.

«بۇگىنگى ماعلۇماتتار بويىنشا مەنينگوكوكك ينفەكتسياسىنىڭ احۋالى تومەندەدى. ون جەتىنشى اپتاداعى جاعداي اناعۇرلىم اسقىنىپ, ءبىر اپتانىڭ وزىندە رەسپۋبليكا بويىنشا 15 جاعداي تىركەلسە, الماتى قالاسىندا 13 جاعداي ورىن السا, قازىرگى تاڭدا ونىڭ بارلىعى ارتتا قالدى. سەبەبى ءبارىمىزدى قۋانتاتىن جاع­داي الماتى قالاسىندا وسى ءتورت تاۋ­لىكتىڭ ىشىندە مەنينگوكوكك ينفەكتسياسىن جۇقتىرعان ادام تىركەلمەگەن. سونىمەن قاتار قازىر رەسپۋبليكا بويىن­شا 24 ادام, الماتى قالاسى بويىنشا 12 ادام ەمدەلۋ ۇستىندە ەكەنىن اتاپ وتكىم كەلەدى. سونداي-اق 3 بالا جانساقتاۋ بولى­مىن­دە, ولاردىڭ 1-ءى الماتى وبلىسىندا, 2-ءى استانا قالاسىندا. ال الماتى قا­لا­سىندا جانساقتاۋ بولىمىندە جاتقان ناۋقاس جوق. جانە دە تۇرعىندار ءۇشىن دەر كەزىندە كەرەكتى اقپارات بەرۋ ءۇشىن ءبىز وبلىس ورتالىقتارىنداعى دەنساۋلىق ساقتاۋ سالاسىنا قاراستى بىرىڭعاي بايلانىس ورىندارىنان تىكەلەي جەدەل جەلى جۇمىسىن ىسكە قوستىق. تەك قانا ءبىر تاۋ­لىك­تىڭ ىشىندە مەنينگوكوكك ينفەكتسيا­سى­نان ەمدەلۋ, ساقتانۋ جولدارىن سۇراپ تۇر­عىندار تاراپىنان 4500-دەي, ال تىكە­لەي جەدەل جەلى جۇمىسىن باستاعالى 8000-داي تەلەفون قوڭىراۋى كەلىپ ءتۇستى. وسىدان-اق تۇرعىنداردىڭ ساقتىق شارالارىنا ءمان بەرە باستاعانىن بايقاۋعا بو­لادى. وسى ورايدا ايتا كەتەتىن تاعى ءبىر جايت, 5-6 ماۋسىم كۇندەرى الماتى قالا­سىنىڭ ينفەكتسيالىق اۋرۋحاناسىنا 300-دەي ادام كەلىپ, دارىگەرلەردەن الدىن الۋ شارالارى تۋرالى مالىمەتتەر الدى. ولار­دىڭ ەشبىرىندە ينفەكتسيا بەلگىلەرى تابىلمادى», دەدى باس مەملەكەتتىك سانيتارلىق دارىگەر.

سونىمەن قاتار ول لابوراتوريالىق زەرتتەۋلەر ناتيجەسىنە دە توقتالىپ ءوتتى.

ء«بىز لابوراتوريالىق زەرتتەۋلەر جاساي كەلە, مەنينگوكوكك ينفەكتسياسىنىڭ 3 ءسيروتيپىن انىقتادىق. جالپى, 27 اۋرۋدان العان قوزدىرعىشتاردى زەرتتەپ, 17-نەن ا ءسيروتيپى, 9-دا ب ءسيروتيپى, 1-ىندە عانا س ءسيروتيپى انىقتالدى», دەدى ج.بەكشين.

راۋان قايدار, «ەگەمەن قازاقستان»