19-12 تامىز ارالىعىندا استانادا شايبالى حوككەيدەن قازاقستان رەسپۋبليكاسىنىڭ پرەزيدەنتى نۇرسۇلتان نازارباەۆتىڭ جۇلدەسى ءۇشىن حالىقارالىق تۋرنير وتەدى.
بيىلعى جارىستا استانانىڭ «بارىسىنان» بولەك, قازاقستان ۇلتتىق قۇراماسى, حاباروۆسكىنىڭ «امۋر» جانە نيجنەكامسكىنىڭ «نەفتەحيميك» كلۋبتارى كۇش سىناسادى. ەستەرىڭىزگە سالا كەتەيىك, ايتۋلى دودا 2010 جىلدان بەرى ۇزدىكسىز ۇيىمداستىرىلىپ كەلەدى. سول ارالىقتا «بارىس» ءتورت مارتە توپ جارسا, سكا (سانكت-پەتەربۋرگ), «اۆانگارد» (ومبى), «مەتاللۋرگ» (نوۆوكۋزنەتسك) جانە «نەفتەحيميك» (نيجنەكامسك) ءبىر-ءبىر رەتتەن جەڭىمپاز اتاندى.
استاناداعى تۋرنير اياقتالعاننان كەيىن ەلوردالىق حوككەيشىلەر ۋفاعا اتتانىپ, 25-28 تامىز ارالىعىندا جالاۋى جەلبىرەيتىن باشقۇرتستان كۋبوگىندا باق سىنايدى. وسى باسەكەلەردىڭ بارلىعى 1-قىركۇيەكتە باستالاتىن قۇرلىقتىق حوككەي ليگاسىنا (قحل) دايارلىق رەتىندە قاراستىرىلۋدا.
عالىم سۇلەيمەن,
«ەگەمەن قازاقستان»
الماتى