قازاقستان رەسپۋبليكاسى دەنساۋلىق ساقتاۋ مينيسترلىگى مەنينگوكوكك ينفەكتسياسىنىڭ الدىن الۋ جانە ونىڭ العاشقى بەلگىلەرى جونىندەگى جادىنامالاردى تاراتتى.
مەنينگوكوكك ينفەكتسياسى – اۋرۋدى بەلگىسىز تاسىمالداۋشى, نازوفارينگيت (مۇرىن مەن جۇتقانشاقتىڭ قابىنۋى), مەنينگيت (مي قابىقتارىنىڭ قابىنۋى) جانە مەنينگوكوكك سەپسيسى (قاننىڭ زارارلانۋى) سەكىلدى ءتۇرلى كلينيكالىق بەلگىلەرى بار باكتەريالار قوزدىراتىن ءجىتى جۇقپالى اۋرۋ.
ينفەكتسيانىڭ بەرىلۋ جولى – اۋالى-تامشىلى, ياعني جوتەلگەندە, تۇشكىرگەندە, سويلەگەندە جۇعادى.
بەلگىلەرى: باستىڭ قاتتى اۋرۋى, شولدەۋ, قۇسۋ, دەنە قىزۋىنىڭ كوتەرىلۋى, قالتىراۋ, بوزارۋ, تابەتتىڭ تومەندەۋى, بورتپە, السىزدىك, ارقا جانە اياق-قولداردىڭ اۋرۋى.
اۋرۋدىڭ الدىن الۋ ءۇشىن مىناداي ەرەجەلەردى ساقتاعان ءجون:
- اۋرۋدىڭ العاشقى بەلگىلەرى (تاماقتىڭ قىزارۋى, دەنە قىزۋىنىڭ كوتەرىلۋى, باستىڭ قاتتى اۋرۋى, السىزدىك) پايدا بولعان كەزدە دارىگەرگە كورىنۋ جانە باسقا نۇسقاۋلارىن ورىنداۋ;
- ءتۇرلى مادەني-بۇقارالىق شارالارعا قاتىسۋدى, ءجۇزۋ باسسەيندەرىنە بارۋدى, ويىن الاڭدارىنا بارۋدى شەكتەۋ, جەكە تازالىقتى ساقتاۋ;
- عيماراتتاردى ءجيى جەلدەتىپ, كۇن سايىن ىلعالدى تازالاۋ جۇمىستارىن جۇرگىزۋ;
- سوزىلمالى ينفەكتسيا وشاقتارى لور اعزالارىن تازالاۋ;
- تەك قايناعان نەمەسە بوتەلكەدەگى سۋدى ءىشۋ;
- مۇزداۋدان, اشىعۋدان, ۇيقىنىڭ قانباۋىنان, كۇيزەلىستەن اۋلاق بولۋ.