ەمدىك قاسيەتى مول الوكازيا وسىمدىگى قىزىلجار وڭىرىنە 1985 جىلى ۆەتنام ەلىنەن اكەلىنىپتى.
ونىڭ جاپىراعى كولەمدى بولعاندىقتان ء"پىل قۇلاعى" دەپ تە اتايدى. الىپ الوكازيا گ ۇلى «عۇمىرىندا» ءبىر-اق رەت گۇلدەيدى ەكەن. الەمدە بۇل وسىمدىكتىڭ 70-تەن اسا ءتۇرى كەزدەسەدى. پەتروپاۆل بوتانيكالىق باعىندا ەكى مىڭعا جۋىق ەكزوتيكالىق وسىمدىكتەر بار.
«الوكازيانىڭ اتاۋلارى كوپ. جاڭبىر جاۋعاندا ء«پىل قۇلاعىنىڭ» جاپىراعىنان سۋ تامشىلايتىندىعىنا قاراپ "جىلاۋىق", كەيدە اۋا رايىن بولجاعىش" دەپ تە اتايدى. گيتوستەرول, تەمىر, مىس, نيكەل جانە ت.ب ماكروەلەمەنتتەر پەن دارۋمەندەرگە باي», دەيدى «قىزىلجار ورانجەرەياسى» مكقك ەكسكۋرسيا جەتەكشىسى ەكاتەرينا ۆولوجينا.
ونىڭ ايتۋىنشا ء«پىل قۇلاعى» وسىمدىگىن جوتەل, ماستوپاتيا, رەۆماتيزم اۋرۋلارىنا قولدانۋعا بولادى. سونىمەن قاتار دەنەدەگى جارانى جازاتىن, اللەرگيا, قابىنۋ مەن ىسىنۋگە قارسى ەمدىك قاسيەتتەرى دە دالەلدەنگەن. گۇلدە بيولوگيالىق بەلسەندى زاتتاردىڭ كوپ بولۋىنا بايلانىستى ءار ءتۇرلى ينفەكتسيالىق اۋرۋلارعا قارسى تاپتىرمايتىن ء«دارى» دەسە دە بولادى.
مۇنىڭ الدىندا بوتانيكالىق باقتا بانان اعاشى مەن گيبيسكۋستار شەشەك جارعان بولاتىن. ەندى مىنە العاش رەت الوكازيا گۇلدەپ تۇر.
ءومىر ەسقالي, «ەگەمەن قازاقستان»