سەمەي قالاسىنىڭ مەكتەپتەرىندە سوڭعى قوڭىراۋ مەرەكەسى ءوتتى

- بيىلعى وقۋ جىلى دانا, فيلوسوف شاكارىم قۇدايبەردى ۇلىنىڭ تۋعانىنا 160 جىل, ءانشى امىرە قاشاۋباەۆتىڭ 130 جىلدىعىمەن تۇسپا  تۇس كەلدى. ء بىزدىڭ وقۋشىلارىمىز بيىلعى وقۋ جىلىندا ۇزدىك  ءبىلىم ساپاسىن كورسەتتى. ياعني مەكتەپ بويىنشا بىتىرگەن  770 وقۋشىنىڭ,  112-ءسى  ۇزدىك, 318-ءىسى وقۋ ەكپىندىسى اتانىپ وتىر. بارلىعى دا  ءبىزدىڭ ۇستازدارىمىز بەن وقۋشىلارىمىزدىڭ ايانباي توككەن تەرىنىڭ, ءبىلىم جولىندا ولشەۋسىز سىڭىرگەن ەڭبەكتەرىنىڭ جەمىسى.

سودان كەيىن اتا-انالار مەن تۇلەكتەرگە دە ءسوز بەرىلدى. وسى №3 جالپى ورتا ءبىلىم بەرەتىن مەكتەپكە 40 جىل تولۋىنا وراي, ونىڭ 1989 جىلعى تۇلەگى, تاريح عىلىمدارىنىڭ دوكتورى, شاكارىم اتىنداعى مەملەكەتتىك ۋنيۆەرسيتەتىنىڭ رەكتورى مەيىر ەسكەندىروۆ ءسوز الىپ, سوڭعى قوڭىراۋ سالتاناتىمەن قۇتتىقتادى:

- قۇرمەتتى ۇستازدار قاۋىمى, اتا-انالار جانە مەكتەپ بىتىرۋشىلەر, سىزدەردى سوڭعى قوڭىراۋ مەرەكەسىمەن قۇتتىقتايمىن. تۇلەكتەرگە جاڭا ومىرگە جولداما الىپ, ۇلى اباي اتامىز ايتقانداي «سەن دە ءبىر كىرپىش دۇنيەگە, كەتىگىن تاپ تا بار قالان» دەپ, بولاشاقتا ەل ءۇشىن ەڭبەك ەتەتىن ازامات بولىپ شىعۋلارىڭىزعا تىلەكتەسپىن. بيىل ەلباسى نۇرسۇلتان نازارباەۆ «پرەزيدەنتتىڭ بەس الەۋمەتتىك باستاماسى» ۇندەۋىن بارشا قازاقستاندىقتارعا جولدادى. بۇل جاي ايتىلا قالعان وي ەمەس, حالىقتىڭ ءال-اۋقاتىن جاقسارتۋ جانە الەۋمەتتىك رەفورمالاردى ۋاقىت تالابىنا ساي جۇزەگە اسىرۋعا ارنالعان باعدارلاما. وسى ءبىلىم ورداسىنىڭ تۇلەگى رەتىندە, التىن ۇيا مەكتەبىمنىڭ ۇنەمى گۇلدەنىپ, كوركەيۋى مەن ءۇشىن ۇلكەن مارتەبە. «جۇمىلا كوتەرگەن جۇك جەڭىل» دە­مەكشى ء«بىر ماقساتى, ءبىر مۇددەسى, ءبىر بولا­شاعى» بار ەل بولامىز دەپ جارقىن بولاشاققا ۇمتىلۋدامىز. كەلەر وقۋ جىلىندا وسى مەكتەپتەن سپورتشى جاستار شىعۋ ءۇشىن, ستاديونىن جاڭارتۋ سياقتى الەۋمەتتىك كومەكتەردى دە جاساۋ جوسپارىمىزدا بار.

بۇل كۇندەرى ادامزات بالاسىنىڭ عارىش الەمىنە, وزىق تەحنيكا, تەحنولوگيا سالاسىنا دەگەن قىزىعۋشىلىعى كۇن سايىن ارتىپ كەلەدى. جاقىندا شاكارىم اتىنداعى مەملەكەتتىك ۋنيۆەرسيتەتىنىڭ رەكتورى مەيىر ەسكەندىروۆتىڭ باستاماسىمەن, ءبىلىم ءبولىمىنىڭ مۇرىندىق بولۋىمەن قۇنى 830 مىڭ تەڭگە تۇراتىن  «روبوت-قۇراستىرىلعىش LEGO» تەحنيكاسى وسى مەكتەپكە سىيعا تارتىلعانىن دا ايتا كەتۋ كەرەك.

جيىن بارىسىندا بيىلعى وقۋ جىلىندا عىلىمي جارىستارعا, سپورتتىق شارالارعا, سونداي-اق, حالىقارالىق كونفەرەنتسيالارعا قاتىسقان ۇستازدار مەن وقۋشىلارعا ديپلومدار مەن العىس حاتتار تاپسىردى. سونداي العىس حاتقا يە بولعان ۇستازدىڭ ءبىرى, 3 «ا»سىنىپ جەتەكشىسى بايان نۇرعاليەۆا «بجس» تەحنولوگياسى بويىنشا جوعارى جەتىستىككە جەتىپ وتىر ەكەن.

جيىندا تۇلەكتەر «مەكتەپ بىتىرۋشىلەر ءۆالسىن» بيلەدى. شارا سوڭىندا مەكتەپتىڭ  وقۋشىلارى اندەر ورىنداپ, تۇلەكتەر اسپانعا ءتۇرلى-ءتۇستى شارلار ۇشىردى. 

راۋشان نۇعمانبەكوۆا,

سۋرەتتەر اۆتوردىكى.

سەمەي