«بارسەلونانىڭ» ەكس-كاپيتانى اندرەس ينەستا الداعى ماۋسىمدا جاپونيانىڭ «ۆيسسەل كوبە» كومانداسىندا وينايتىن بولدى.
كەلىسىمشارتتىڭ ءمان-جايى اشىپ ايتىلمادى. بىراق ينەستانىڭ جاپونيادا بىرنەشە جىل دوپ تەبەتىنى بەلگىلى. «ۆيسسەل كوبە» بيىلعى ماۋسىمدى 9-ورىندا اياقتادى.
وسىعان دەيىن 33 جاستاعى جارتىلاي قورعاۋشى قىتايدىڭ «چۋنتسين ليفان» كومانداسىنا اۋىسادى دەپ كۇتىلگەن. سونداي-اق, بۇرىنعى جاتتىقتىرۋشىسى حوسەپ گۆارديولا ونى «مانچەستەر سيتيگە» شاقىرماق بولعانى تۋرالى سىبىستار بولدى.
ينەستا كاتالونيالىق كوماندانىڭ ساپىندا 16 ماۋسىمدا باس-اياعى 32 كۋبوك جەڭىپ الدى. 9 دۇركىن يسپانيا چەمپيونى اتانسا, 7 مارتە ەل كۋبوگىنا يە بولدى, ءتورت رەت چەمپيوندار ليگاسىندا توپ جاردى. سونىمەن قاتار يسپانيا قۇراماسىنىڭ ساپىندا ەۋروپانىڭ ەكى دۇركىن جانە الەمنىڭ ءبىر دۇركىن چەمپيونى اتاندى.
اندرەس ينەستا «بارسەلونا» كومانداسىنىڭ جۇيەسىندە 22 جىل ۋاقىتىن وتكىزدى.