پەتروپاۆل كاسىپتىك دايارلاۋ جانە قىزمەت كورسەتۋ كوللەدجىندە ومارتاشى ماماندارى وقىتىلا باستادى.
وبلىستىق ومارتاشىلار قاۋىمداستىعىنىڭ توراعاسى ولەگ گاۆريلوۆتىڭ ايتۋىنا قاراعاندا بىلتىر 300 توننا بال ءونىمى جينالىپتى. بيىل بۇل كورسەتكىشتى 1 مىڭ تونناعا جەتكىزۋ مىندەتى تۇر. ارا شارۋاشىلىعى قىزىلجار, مامليۋت, شال اقىن اۋداندارىندا جاقسى دامىسا, قالعان اۋدانداردا باياۋ. ونىڭ ءبىر سەبەبى ارا ءوسىرۋدىڭ قىر-سىرىن جەتىك مەڭگەرگەن كاسىبي مامانداردىڭ تاپشىلىعىنا كەلىپ تىرەلەدى.
ەندى وسى ولقىلىقتىڭ ورنىن تولتىرۋ ماقساتىمەن پەتروپاۆل كاسىپتىك دايارلاۋ جانە قىزمەت كورسەتۋ وقۋ ورنى جاقسى باستاماعا قوزعاۋ سالدى مۇندا 23 سولتۇستىكقازاقستاندىق تەگىن وقۋعا قابىلدانىپ, ومارتاشى ماماندىعىن مەڭگەرىپ شىعادى. سولاردىڭ ءبىرى– 62 جاستاعى يۋري گالاماگين. ول تەوريالىق ءبىلىمىن جەتىلدىرۋ ءۇشىن "پاسەكا -قىزىلجار" جشس-دە وتكىزىلەتىن تاجىريبەلىك ساباقتارعا قاتىسىپ ءجۇر. ارنايى سەرتيفيكات الىپ شىققاننان كەيىن ارا وسىرۋمەن اينالىسپاق.
كاسىپتىك دايارلاۋ جانە قىزمەت كورسەتۋ كوللەدجىنىڭ ديرەكتورى نيكولاي سوكولوۆ كوللەدجدى تامامداعان تۇلەكتەر"باستاۋ-بيزنەس" جوباسىنا قاتىسىپ, جەڭىلدىكتى نەسيەگە ۇمىتتەنە الاتىنىن جەتكىزدى. بيىل وڭتۇستىك وڭىرلەردەن 900-دەن استام ارا ۇياسى اكەلىنىپتى. ارقايسىسىندا 70 مىڭعا دەيىن بال اراسى ورنالاسقان.
ءومىر ەسقالي,
«ەگەمەن قازاقستان»