اقتوبەدە «اتامەكەن» ۇلتتىق كاسىپكەرلەر پالاتاسىنىڭ تورالقا توراعاسى تيمۋر ق ۇلىباەۆ پەن وبلىس اكىمى بەردىبەك ساپارباەۆ ءوڭىردىڭ ىسكەر ورتالارى وكىلدەرىنىڭ قاتىسۋىمەن كاسىپكەرلەر پالاتاسى ايماقتىق كەڭەسىنىڭ وتىرىسىن وتكىزدى.
بەردىبەك ساپارباەۆ وبلىستاعى كاسىپكەرلىكتى دامىتۋدىڭ نەگىزگى ناتيجەلەرىن ايتا كەلە 2017 جىلدىڭ قورىتىندىسى بويىنشا ارەكەت ەتۋشى شوب سۋبەكتىلەرىنىڭ سانى 5%-عا 52 مىڭعا دەيىن وسكەنىن جەتكىزدى.
- اتالمىش سالامەن ەكونوميكالىق تۇرعىدا بەلسەندى حالىقتىڭ 31%-دان استامى اينالىسادى. پرەزيدەنت تاپسىرماسىنا سايكەس شوب-ءتىڭ ەكونوميكاداعى ۇلەسىن 2025 جىلعا قاراي 50%-عا دەيىن ارتتىرۋدى جالعاستىرىپ جاتىرمىز. وتكەن جىلدىڭ قورىتىندىسى بويىنشا شوب-تەگى ءوندىرىس كولەمى 720 ملرد تەڭگەگە دەيىن جەتتى. مەملەكەتتىڭ كۇشتى قولداۋىنىڭ ارقاسىندا بيىل وبلىستا كاسىپكەرلىكتى دامىتۋ باعدارلاماسىمەن 20 ملرد تەڭگە ارزانداتىلعان نەسيەلەر بەرىلەدى. مەملەكەت باسشىسىنىڭ بەس الەۋمەتتىك باستاماسى اياسىندا شاعىن نەسيەنى كەڭەيتۋ ءۇشىن رەسپۋبليكالىق بيۋدجەتتەن قوسىمشا 2 ملرد تەڭگە ءبولىندى. «اتامەكەن» ۇلتتىق كاسىپكەرلەر پالاتاسىن كاسىپكەرلىكتى دامىتۋعا بەلسەندى قولداۋ كورسەتكەنى ءۇشىن العىس ايتامىن, - دەپ اتاپ ءوتتى ءوڭىر باسشىسى.
مەملەكەتتىك-جەكە مەنشىك سەرىكتەستىكتى دامىتۋعا باسىمدىق بەرىلەدى. بىلتىر بيۋدجەتتەن تىس قاراجاتتىڭ ەسەبىنەن قۇنى 29 ملرد تەڭگە بولاتىن 73 الەۋمەتتىك جوبا جۇزەگە اسىرىلدى. قازىرگى تاڭدا 28 ملرد تەڭگەگە تاعى 33 جوبانى جۇزەگە اسىرۋ جۇمىستارى جالعاسىپ جاتىر. ولاردىڭ قاتارىندا تەننيس ورتالىعىنىڭ, مۇز سارايىنىڭ, جەڭىل اتلەتيكالىق مانەجدىڭ, ءىت ورتالىقتىڭ, «انالارعا تاعزىم» ورتالىعىنىڭ, تسەرەبرالدى سال اۋرۋىنا شالدىققان بالالاردى وڭالتۋ ورتالىعىنىڭ, يادرولىق مەديتسينا ورتالعىنىڭ, سheck-Up ورتالىعىنىڭ جانە ت.ب. قۇرىلىسى بار.
- ءبىز سونداي-اق, الەۋمەتتىك كاسىپكەرلىكتى دامىتۋ ءۇشىن جۇمىستانىپ جاتىرمىز. بۇل ەلباسىنىڭ «بولاشاققا باعدار: رۋحاني جاڭعىرۋ» باعدارلاماسى نەگىزدەرىنىڭ ءبىرى بولىپ تابىلادى. وسى ماقساتتا وتكەن اپتادا اقتوبەدە الەۋمەتتىك كاسىپكەرلىكتىڭ ءبىرىنشى حالىقارالىق فورۋمى وتكىزىلدى, - دەدى وبلىس اكىمى.
تيمۋر ق ۇلىباەۆ ءوز كەزەگىندە اقتوبەلىك بيزنەسمەندەردىڭ جوعارى الەۋمەتتىك جاۋاپكەرشىلىگى مەن جەرگىلىكتى بيلىكتەردىڭ ىسكەرلىك احۋالدى جاقسارتۋداعى جۇمىستارىن اتاپ ءوتتى.
- كەشەدەن بەرى بەردىبەك ماشبەك ۇلىمەن بىرگە كاسىپكەرلەردىڭ قولداۋىمەن سالىنعان بىرنەشە نىساندى قاراپ شىقتىق. كوبىسى مەملەكەتتىك-جەكە سەرىكتەستىك اياسىندا سالىنعان, كاسىپكەرلەردىڭ وزدەرىنىڭ باستاماسىمەن جۇزەگە اسىرىلعان جوبالار دا بار. ارينە, مۇنىڭ ءبارى وڭىردەگى بيزنەس احۋالدىڭ وراسان زور ەڭبەگى. بارلىق بيزنەسمەندەردىڭ اتىنان وبلىس باسشىلىعىنا وسىنداي ۇلكەن قولداۋ مەن ءوزارا قارىم-قاتىناستارى ءۇشىن العىسىمدى بىلدىرگىم كەلەدى. بيزنەس پەن ۇكىمەت اراسىنداعى ديالوگ – «اتامەكەننىڭ» العاشقى جۇمىس كۇنىنەن باستاۋ العان مىندەتى,- دەپ اتاپ ءوتتى تيمۋر ق ۇلىباەۆ.
بيزنەستى دامىتۋ ماسەلەلەرى بويىنشا ۇلكەن جۇمىستار اۋىلدىق جەرلەردە جۇرگىزىلدى. 2017 جىلى اقتوبە وبلىسى "باستاۋ" جوباسىن جۇزەگە اسىرۋدان پيلوتتىق ايماق اتاندى. 1125 جۇمىسسىز جانە ءوزىن ءوزى جۇمىسپەن قامتىعان اۋىل تۇرعىندارى بيزنەس نەگىزدەرىنە وقىتىلدى. وسى جىلى قامتۋ ەكى ەسەگە ۇلعايتىلادى. اتاپ وتەيىك, بيىل ء"ونىمدى ەڭبەكپەن قامتۋ جانە جاپپاي كاسىپكەرلىكتى دامىتۋ" باعدارلاماسىن اقتوبە وبلىسىندا ىسكە اسىرۋعا 4,9 ملرد تەڭگە قاراستىرىلعان.
ءوڭىر باسشىسى سونداي-اق, وبلىستىڭ كاسىپكەرلىككە قارجىلاي ەمەس قولداۋ كورسەتۋگە, اكىمشىلىك كەدەرگىلەردى قىسقارتۋعا نازار اۋداراتىنىن اتاپ ءوتتى.
اتاپ ايتقاندا, پروبلەمالىق سۇراقتاردى انىقتاپ, ولاردى شەشۋ ءۇشىن جۇمىس توبى قۇرىلدى. 2017 جىلدىڭ قورىتىندىسى بويىنشا ءارتۇرلى دەڭگەيدەگى 32 اكىمشىلىك كەدەرگىلەر انىقتالىپ, ونىڭ 17-ءسى وڭ شەشىلدى, قالعاندارى بويىنشا رەسپۋبليكالىق دەڭگەيدە جۇمىستار جۇرگىزىلۋدە. بيىلعى جىلى 15 پروبلەمالىق ماسەلە انىقتالىپ, سونىڭ ىشىندە 10-ى وڭ شەشىمىن تاپتى. ودان باسقا بيزنەستىڭ سۋبەكتىلەرىن تەكسەرۋدى سينحرونداۋ ءۇشىن 2018 جىلدىڭ ءبىرىنشى جارتى جىلدىعىنا بىرلەسكەن تەكسەرۋ جوسپارى بەكىتىلدى.
تيمۋر ق ۇلىباەۆ اقتوبە وبلىسىنا جۇمىس ساپارى بارىسىندا ەسەت باتىر اتىنداعى مەكتەپ-ينتەرناتى, "وليمپ" حوككەي ءمودۋلى, "ونەر ورتالىعى", شىعارماشىلىق اكادەمياسى, وفتالمولوگيالىق ەمحانا, جەكپە-جەك سارايى سەكىلدى بىرقاتار الەۋمەتتىك جانە وندىرىستىك نىسانداردىڭ قىزمەتىمەن تانىستى, «قازاق حالقىنا مىڭ العىس" ستەلاسىن, "جۇبانوۆتار الەمى" مۋزەي-ءۇيىن, سالىنىپ جاتقان "انالارعا تاعزىم" ورتالىعىن, جەدەل جاردەم بەكەتى مەن تاريحي-ولكەتانۋ مۋزەيىنىڭ جاڭا عيماراتىن قاراپ شىقتى.
تەمىر قۇسايىن,
«ەگەمەن قازاقستان»
اقتوبە وبلىسى