تەكسەرۋ قورىتىندىسى بويىنشا ماڭعىستاۋ وبلىسى تج دەپارتامەنتىندە دەپارتامەنت باستىعى ق. بازارباەۆ پەن باستىقتىڭ ورىنباسارى م. مۇحانوۆتىڭ توراعالىعىمەن «وبلىس ايماعىندا ورنالاسقان ساۋدا نىساندارىنىڭ ورتكە قارسى جاعدايى جانە تەكسەرۋ ناتيجەسى» تاقىرىبىمەن بريفينگ ءوتتى.
ماڭعىستاۋ وبلىسى اۋماعىندا جىل سايىن تەكسەرۋدەن وتەتىن ءورت قاۋىپسىزدىگى سالاسىندا جوعارى تاۋەكەل دارەجەسىندەگى ويىن-ساۋىق كەشەندەرى, ساۋدا ءۇيى جانە 1500 جانە ودان ۇلكەن شارشى مەتردى قۇرايتىن 52 ساۋدا نىساندارى تىركەلگەن.
جوسپاردان تىس تەكسەرۋ بويىنشا 52 نىساننىڭ بارلىعى تەكسەرىلىپ, ناتيجەسىندە 637 ءورت قاۋىپسىزدىگى تالاپتارىن بۇزۋ انىقتالدى.
52 ساۋدا وبەكتىسىنىڭ ىشىنەن ءىشىنارا بۋتيكتەردە جانە كونتەينەرلەردە, قويمالاردا, كونديتەرلىك تسەحتەردە اۆتوماتتى ءورت دابىلدارىنىڭ بولماۋى, 30 نىساننىڭ ءورت اۆتوماتيكاسى جۇيەلەرى, «بايتەرەك», «الاتاۋ», «دوستىق», «استانا» ساۋدا ورتالىقتارى, «اداس», «اقتورە», «التىن وردا», «قازىنا» ساۋدا ۇيلەرى, «دۋمان» ويىن-ساۋىق كەشەنى سىندى 9 نىساننىڭ اۆتوماتتى ءورت ءسوندىرۋ جۇيەسى جوق. تەكسەرىلگەن نىسانداردىڭ كەيبىرەۋلەرىندە ەرەجەگە ساي ەلەكتر شامىنىڭ قورعانىس قالپاقشاسىمەن جابدىقتالماعاندىعى, توق جەلىلەرى ەرەجەگە ساي جالعانباعان, ورتەنگەن اعاشتان جاسالعان سورەلەردىڭ ورتكە قارسى وڭدەۋىنىڭ جوقتىعى, ءورت اۆتوماتيكاسى جۇيەسىنىڭ تەحنيكالىق اقاۋلىعى, ەۆاكۋاتسيانىڭ ءارتۇرلى پۋنكتتەرى, سونىڭ ىشىندە ساۋدا-ساتتىق الاڭىنىڭ ۇلەسى, ءورت-تەحنيكالىق مينيمالدى باعدارلاما بويىنشا وقىتۋدىڭ جوقتىعى, اۆتوماتتى ءورت دابىلىنا تەحنيكالىق قىزمەت كورسەتۋ جۇرگىزىلمەيتىندىگى, كولەمدى جوسپارلاۋ شەشىمدەرىن ازىرلەنگەن جانە بەكىتىلگەن جوبالىق-سمەتالىق قۇجاتتاماسىز وزگەرتۋگە جول بەرىلگەندىگى, نەگىزگى ستاندارتتارعا سايكەس ءورت ءسوندىرۋ تەحنيكاسىنىڭ نەگىزگى قۇرالدارىندا ۇيىمداردىڭ تولىقتىعى مەن جۇمىس ىستەمەيتىندىگى, ورتكە قارسى سۋمەن قامتاماسىز ەتۋدىڭ ىشكى جانە سىرتقى جۇيەلەرىنىڭ بۇزىلۋى, ء ورت قاۋىپسىزدىك تالاپتارىنىڭ بۇزىلۋى سىندى اقاۋلار انىقتالدى.
ءورت قاۋىپسىزدىگى ەرەجەلەرىنىڭ بۇزىلۋى بويىنشا 51 زاڭدى تۇلعا اكىمشىلىك جاۋاپكەرشىلىككە تارتىلىپ, ولاردىڭ 40-ىنا 1 ميلليون 871 مىڭ 090 تەڭگە ايىپپۇل سالىندى جانە 11 زاڭدى تۇلعا ەسكەرتۋ الدى.
ۇيىمداردىڭ باسشىلىعىمەن كەلىسە وتىرىپ, ازاماتتىق قورعاۋ ورگاندارىنىڭ وبەكتيۆتىلىگى مەن اشىقتىعىن قامتاماسىز ەتۋ ماقساتىندا «اتامەكەن» ۇلتتىق كاسىپكەرلەر پالاتاسىنىڭ وكىلدەرى, سىبايلاس جەمقورلىققا قارسى قىزمەت جانە باق وكىلدەرى 8 تەكسەرۋگە تارتىلدى.
تەكسەرۋ بارىسىندا دەپارتامەنت ۇيىم وكىلدەرىمەن بىرلەسە وتىرىپ, حالىق كوپ شوعىرلاناتىن نىسانداردى 17 ءورت-تاكتيكالىق جاتتىعۋىن وتكىزدى, 2154 ادامدى قامتيتىن 52 ۇگىت-ناسيحات جانە جاپپاي ءتۇسىندىرۋ جۇمىستارى جۇرگىزىلدى.
سونىمەن قاتار, بريفينگ سوڭىندا وبلىستا سۋعا ءتۇسۋ ماۋسىمىنا دايىندىق تۋرالى سۇراقتار قارالدى.
گۇلايىم شىنتەمىرقىزى,
«ەگەمەن قازاقستان».
ماڭعىستاۋ وبلىسى