جامبىل مۋزەيىندە جاڭا جوبا

QR-كود اعىلشىن تىلىندە quick response دەگەن ءسوز, ياعني شۇ­عىل جاۋاپ دەگەن ماعىنانى بە­رەدى. سونىمەن قاتار بۇل Denso-Wave جاپون فيرماسى ويلاپ تاپقان ءموبيلدى قۇرىلعىنىڭ كامەراسى ارقىلى زاتتى جىلدام تانۋ ءۇشىن اقپارات بەرەتىن ەكى ولشەمدى شتريح كود بولىپ تابىلادى. سوندىقتان دا QR-كودتىڭ كومەگىمەن كەز كەلگەن اقپاراتتى كودتاۋعا جانە اقپاراتتى جىلدام تانۋعا بولادى.

ارينە بۇل بۇگىندە جادىگەر­لەردى تانۋدا ءارى سول جادىگەرلەر تۋرا­لى اقپارات الۋدا تاپتىرماس قۇرال. ەلباسى «بولاشاققا باعدار: رۋحاني جاڭعىرۋ» باعدار­لامالىق ماقالاسىندا اقپا­راتتىق تەحنولوگيالار قارىشتاپ دامىپ بارا جاتقان بۇگىنگىدەي زاماندا ءىت سالاسىن دامىتپاساق, دامىعان 30 ەلدىڭ قاتارىنان كورىنۋ قيىن ەكەنىن ايتقان بولاتىن. بۇگىندە الەمدەگى وركەنيەتتى ەلدەردىڭ بارلىعى دەرلىك تسيفر­لى جۇيەگە كوشتى. ەندىگى جەردە ەلباسى بەلگىلەپ بەر­­گەن ناقتى باعىت ناتيجەسىندە تسيفرلاندىرۋ جۇيەسىنە كوشۋ زامان تالابى بولىپ وتىر.

«مۋزەي – ەلدىڭ تاريحىن, ۇلت­تىق ساناسىن جاڭعىرتۋشى مەكەن. ۇرپاقتار اراسىنداعى ساباق­تاس­تىقتى جالعاۋ, سان ءتۇرلى ما­دەنيەتتەردىڭ اراسىن جاقىنداتۋ, باۋىر­لاستىق قارىم-قاتىناس ورناتۋ مۋزەيلەرگە جۇكتەلگەن مىن­دەت. بۇل رەتتە جامبىل وبلىستىق تا­ريحي-ولكەتانۋ مۋزەيى دە مۋزەي قورىنداعى جادىگەرلەردى كورسەتۋدە الدىڭعى قاتارلى تەحنولوگيالاردى قولدانۋدى باستاپ كەتتى. ماسەلەن, مۋزەيدە «تسيفرلى قازاقستان» باعدارلاماسى اياسىندا جاسالىپ جاتقان QR-كود جوباسى ىسكە اسۋدا. بۇگىندە مۋزەي قورىنداعى 64 مىڭنان استام ەكس­پوناتتىڭ 200-دەن استامىنا تسيفرلى كود ەنگىزىلىپ قويدى. قورىمىزداعى قالعان جادىگەرلەر مەن ەسكەرتكىشتەردى كودتاۋ كەزەڭ-كەزەڭىمەن جۇزەگە اساتىن بولادى. بۇل مۋزەيگە كەلۋشىلەردىڭ ۋاقىتىن ۇنەمدەۋگە, اسىرەسە سمارت­فوندار مەن گادجەتتەردى كوپ پايدالاناتىن جاس بۋىن ءۇشىن ءتيىمدى ءارى ولاردىڭ مۋزەيگە, تاريحي جادىگەرلەرگە دەگەن قىزى­عۋ­شىلىقتارىن ارتتىراتىن جوبا بولاتىنىنا سەنىمدىمىز», دەيدى مۋزەي ديرەكتورى گۇلنۇر ەمبەرديەۆا.

مۋزەيدەگى ءاربىر جادىگەر مەن ماكەتتەردىڭ تۇسىندا ولار­دىڭ تاريحى تۋرالى تولىق ماعلۇمات جازىلعان QR-كودتار ورنا­لاستىرىلعان. مۇندا كەلۋ­شىلەر سمارتفون نەمەسە گادجەت­تەرگە جۇك­تەلگەن ارنايى اقپا­رات­تىق قوسىمشانى اشىپ, تاقت­ا­داعى شتريحكودتى سۋرەتكە ءتۇسى­رۋ ارقىلى جادىگەرلەر تۋرالى مالىمەتتى سايت ارقىلى ءۇش تىلدە اۆتوماتتى تۇردە الا الادى. مۋ­زەي قورىنداعى جادى­گەرلەردى كودتاۋ جۇمىستارى ارحەو­لوگيا­لىق, نۋميزماتيكالىق, ەتنو­گرا­فيالىق, قۇجاتتىق جانە بەينەلەۋ ونەرى توپتامالارى بويىن­شا كەزەڭ-كەزەڭىمەن جۇزەگە اسۋدا. ال ازىرگە QR-كود جوباسىندا قازاق, ورىس جانە اعىلشىن تىلدەرىندە اقپارات بەرىلەدى. بولاشاقتا مۇندا قىتاي جانە تۇرىك تىلدەرىن قوسۋ جوسپاردا بار. 

حاميت ەسامان, «ەگەمەن قازاقستان»

جامبىل وبلىسى