• RUB:
    6.68
  • USD:
    520.93
  • EUR:
    609.07
باستى سايتقا ءوتۋ
الەم 18 مامىر, 2018

جاھان جاڭالىقتارى. «رەال» ناشار ويناسا دا ناتيجە كورسەتىپ ءجۇر»

424 رەت
كورسەتىلدى

«بارسەلونا» شابۋىلشىسى ليونەل مەسسي TyC Sports باسىلىمىنا «رەالدىڭ» قۇرامى جانە ويىنى, سونىمەن قاتار ءوز كلۋبىنىڭ چەمپيوندار ليگاسىنداعى  ساتسىزدىگى تۋرالى ايتىپ بەردى.

«رەالدىڭ» پوزيتسيالارىنا قارايتىن بولساق, ءبىزدىڭ كلۋبتا الەمنىڭ ەڭ مىقتى فۋتبولشىلارى وينايدى. بىراق مادريد كومانداسىنىڭ وزدەرىنە ءتان ارتىقشىلىقتارى بار. ولار ناشار ويىن كورسەتىپ جاتسا دا ناتيجە شىعارا بىلەدى. ال ءبىز جەڭىسكە جەتۋ ءۇشىن قارسىلاس كوماندادان ەكى-ءۇش ەسە مىقتى بولىپ, ءتىپتى ولاردان اسىپ ءتۇسۋىمىز كەرەك. چەمپيوندار ليگاسىندا ءبىز ءوزىمىز قاتەلىك جىبەردىك. ءبىرىنشى ويىننىڭ ناتيجەسى بويىنشا جاقسى مۇمكىندىككە يە بولا تۇرا, جارتىلاي فينالعا شىعا المادىق», دەيدى مەسسي.

 

«Wild card» يەلەرى انىقتالدى

فرانتسيادا 21 مامىر مەن 10 ماۋسىم ارالىعىندا «ۇلكەن دۋلىعا» ساناتىنا ەنەتىن تەننيستەن فرانتسيا اشىق چەمپيوناتى ياعني, «رولان گارروس» ءتۋرنيرى وتەدى.

اتالعان باسەكەنىڭ نەگىزگى تۋر ويىندارىنا قاتىسۋ مۇمكىندىگىن بەرەتىن «Wild card» جولداماسىن العان تەننيسشىلەردىڭ ءتىزىمى بەلگىلى بولدى.

قىزدار اراسىندا جولدامانى فرانتسيالىق تەننيسشىلەر فيونا فەررو, ميرتي جورج, اماندين ەسسە, كلوە پاكە, پولين پارمەنتە, دجەسسيكا پونشە جانە امەريكالىق تەيلور تاۋنسەند يەلەندى. 

ال ەرلەر اراسىندا گرەگۋار باررەرە, ەلليو بەنشەتري, كالۆين ەمەري, ماكسيم جانۆە, نيكوليا مايۋ, كورەنتەن مۋتە جانە نوا رۋبين «Wild card» جولداماسىن الدى.

پلانشەت ۇستاۋعا رۇقسات بەردى

حالىقارالىق فۋتبول ۇيىمىنىڭ كەڭەسى (IFAB) ماتچ كەزىندە جاتتىقتىرۋشىلار شتابىنا ءموبيلدى ەلەكترون قولدانبالارىن پايدالانۋعا رۇقسات بەردى. 

وسىعان وراي فيفا ءاچ-2018 قاتىسۋشىلارىنا تەحنيكالىق جاب­دىق­تاردىڭ جيىنتىعىن ۇسىنۋدى جوسپارلاپ وتىر. ول جاتتىقتى­رۋشىلارعا ويىندى تالداۋشىلارمەن سويلەسۋگە مۇمكىندىك بەرەدى.

ءاربىر قۇراماعا ەكى پلانشەت بەرىلەدى: ءبىرى تريبۋنا سىرتىنان ويىندى تاماشالاپ ماتچقا تالداۋ جاسايتىن مامانعا, ەكىنشىسى جاتتىقتىرۋشىلار شتابىنا. سونىمەن قاتار قۇرامالار ماتچتان كەيىنگى فيفا-نىڭ وكىلدەرى جاساعان ارنايى ويىن تالداۋىن دا الا الادى.

دايىنداعان ءالي بيتورە, «ەگەمەن قازاقستان»  

سوڭعى جاڭالىقتار