وبلىس ديقاندارى بۇگىن ءدان سەبۋگە جاپپاي اتتاندى. جۇمىسقا بارلىق اۋداندار كىرىستى.
بيىلعى ەگىن بارلىعى 4 ميلليون گەكتار القاپتى الادى. سونىڭ 3,5 ميلليون گەكتارىنا بيداي, 400 مىڭ گەكتارىنا مايلى داقىلدار سەبىلەدى. مايلى داقىلداردىڭ ىشىندە القاپتىڭ باسىم كوپشىلىگىن زىعىر الادى. وبلىس اكىمى ارحيمەد مۇحامبەتوۆ اۋداندار مەن قالالار اكىمدەرىمەن وتكىزگەن سەلەكتورلىق ماجىلىستە اۋا رايى جاڭبىرسىز بولسا, ءدان سەبۋدى مامىردىڭ 25-نە دەيىن اياقتاۋ كەرەكتىگىن ايتتى. «ناۋقان ءارى دەگەندە 3 ماۋسىمدا ءبىتۋى ءتيىس», دەدى ارحيمەد بەگەجان ۇلى.
ءوڭىر باسشىسى مۇنىمەن قاتار جەڭىلدىكپەن بەرىلگەن جانار-جاعار مايدى دەر ۋاقىتىندا الىپ كەتۋدى تاپسىردى. وبلىسقا ارنالعان 71 مىڭ توننا جانار-جاعارمايدىڭ 48 مىڭ تونناسى كەلگەن, شارۋاشىلىقتارعا 40 تونناسى جەتكىزىلگەن.
ءنازيرا جارىمبەت, «ەگەمەن قازاقستان»
قوستاناي