ۇلتتىق ەكونوميكا ءمينيسترى ينفلياتسيا دەڭگەيىن اتادى

«قازاقستانداعى ەكونوميكالىق بەلسەندىلىك جاعىمدى سەرپىندى كورسەتۋدى جالعاستىرۋدا. الايدا, وتكەن ايمەن سالىستىرعاندا بىرقاتار باسەڭدەۋ بايقالىپ وتىر. جالپى ىشكى ءونىمنىڭ ءوسۋى 3,8 پايىزدى قۇرادى. باسەڭدەۋ بارىنەن بۇرىن قۇرىلىستاعى جانە مەتاللۋرگياداعى باياۋلاۋمەن نەگىزدەلەدى. جالپى العاندا ەكونوميكاداعى ءوسۋ ينفلياتسيالىق قىسىمنىڭ تومەندەۋىمەن جانە جوعارى ينۆەستيتسيالىق بەلسەندىلىكپەن سۇيەمەلدەنىپ وتىر», - دەدى مينيستر.

ونىڭ دەرەگىنشە, ينفلياتسيا جىلدىڭ باسىنان بەرى 2,2 پايىزدى قۇرادى. 2017 جىلعى سايكەس كەزەڭمەن سالىستىرعاندا 0,5 پايىزدىق تارماققا تومەن. جىلدىق ينفلياتسيا 6,5 پايىزدىق دەڭگەيىندە تىركەلدى. ينفلياتسيانى جاڭا ارالىقتا ۇستاپ تۇرۋ قامتاماسىز ەتىلۋدە.

«2018 جىلعى 1 مامىرعا ەلدىڭ حالىقارالىق رەزەرۆتەرى 1,8 پايىزعا ارتىپ, 90,7 ملرد اقش دوللارىنا دەيىن ۇلعايدى. التىن ۆاليۋتا رەزەرۆتەرى 3,4 پايىزعا ءوستى. ۇلتتىق قوردىڭ اكتيۆتەرى 0,9 پايىزعا ارتتى», - دەدى تيمۋر سۇلەيمەنوۆ.