قوستاناي اۋدانىنداعى «سادچيكوۆ» ءسۇت ءوندىرۋ كەشەنى ەندى «اقىلدى ءسۇت فەرماسىنا» اينالاتىن بولدى.
وسىندا «كاس كونسالتينگ» كومپانياسى مەن قوستاناي وبلىستىق اۋىل شارۋاشىلىعى باسقارماسى بىرلەسىپ, «اقىلدى ءسۇت فەرماسى» اپتالىعىن وتكىزۋدە. بۇل اۆستريادان كەلگەن ماگيستر فرانتس تسەحنەر باستاعان ماماندار الەمدىك تاجىريبەنى «سادچيكوۆ» شارۋاشىلىعىنە ەنگىزەدى. دۇنيە جۇزىندە ءالى بالاماسى جوق وزىق تەحنولوگيا الەمنىڭ كوپتەگەن ەلدەرىندە قولدانىسقا ەنگىزىلگەن. «سادچيكوۆ» ءسۇت فەرماسىندا وسى وزىق تەحنولوگيامەن 32 سيىر باقىلاۋعا الىنادى. ەگەر تاجىريبە كورسەتكىشتەردى جاقسارتسا, قولدا ۇستالاتىن گولشتين ءسۇتتى سيىرلار تابىنىنا تۇگەل وسى تەحنولوگيا ەنگىزىلەتىن بولادى.
اۆستريالىق مامان فرانتس تسەحنەر جۋرناليستەرگە وزىق تەحنولوگيانىڭ ء مانىن ايتىپ ءتۇسىندىردى. Smaxtec جۇيەسى زاماناۋي ءسۇت شارۋاشىلىعىنداعى تيىمدىلىك پەن تابىستى ارتتىرادى. ول ءۇشىن Smaxtec جۇيەسىنىڭ bolas دەپ اتالاتىن قۇرىلعىسىن سيىرعا جۇتقىزۋ ارقىلى اسقازانىندا ۇستايدى. ول سيىردىڭ اعزاسىنداعى وزگەرىستەر تۋرالى بارلىق اقپاراتتى كومپيۋتەر ارقىلى بەرىپ تۇرادى. اسقازانداعى قۇرىلعى بەرگەن اقپاراتتار ارقىلى اسقازانداعى ءسىلتى مەن قىشقىلدىڭ نورماسى انىقتالىپ, سوعان وراي سيىردىڭ جەم-ءشوبى, ازىعى وزگەرتىلەدى. سيىرعا سۋدى كوپ بەرۋ جاعى قاراستىرىلادى. مامانداردىڭ ايتۋىنشا, سيىردىڭ اعزاسى جاقسارادى, ءسۇتى كوبەيەدى جانە ۇرىقتاندىرىلۋى ۋاقىتىلى ءجۇرىپ, جىلىنا بۇزاۋ الىپ وتىرۋ جاقسارادى.
«گولشتين سيىرى ءسۇتتى مول بەرەتىن تۇقىم. بىراق مۇنىڭ دا كوپتەگەن پروبلەمالارى بار. ءسۇت ساۋ شارۋاشىلىعىن تسيفرلاندىرۋدىڭ ەڭ ءبىر ءتيىمدى ءتۇرى بولاتىن Smaxtec جۇيەسى كەمشىىلكتەردى انىق كورسەتەدى, وعان قارسى جۇمىس ىستەۋگە يتەرمەلەيدى. سونىمەن قاتار ءسۇتىڭ كولەمىن كوبەيتەدى. مىسالى ءبىزدىڭ سيىرلار جىلىنا 6 مىڭ ليتر ءسۇت بەرسە, وسى تسيفرلاندىرۋ جۇيەسى ىسكە قوسىلعاندا ولار ون مىڭ ليتردەن اسىرىپ ءسۇت بەرەتىن بولادى» دەدى «سادچيكوۆ» ءسۇت شارۋاشىلىعىنىڭ ديرەكتورى سەرگەي فەتسنەر.
سيىردىڭ اسقازانىنداعى bolas بەس جىلعا ەسەپتەلگەن. وسى تسيفرلاندىرۋ تەحنولوگياسىنا جۇمسالعان شىعىن التى ايدىڭ ىشىندە وتەلەدى.
ءنازيرا جارىمبەت, «ەگەمەن قازاقستان»