بۇگىن ءماجىلىستىڭ اگرارلىق ماسەلەلەر كوميتەتىنىڭ توراعاسى ساپارحان وماروۆ باستاعان دەپۋتاتتار توبى چەحيا رەسپۋبليكاسى پارلامەنتى دەپۋتاتتار پالاتاسى توراعاسىنىڭ ورىنباسارى ۆويتەح فيليپ باستاعان اۋىلشارۋاشىلىق كوميتەتى مۇشەلەرىمەن كەزدەستى, دەپ حابارلايدى ءماجىلىستىڭ ءباسپاسوز قىزمەتى.
كەزدەسۋ بارىسىندا اۋىل شارۋاشىلىعى سالاسىن زاڭنامالىق قامتاماسىز ەتۋ بويىنشا ارىپتەستىكتى نىعايتۋ جايى تالقىلاندى.
وسى رەتتە اگروونەركاسىپ كەشەنى, جايىلىمدار, سۋبسيديالار, بانكتەر, ساقتاندىرۋ كومپانيالارى, جەر قورىن قورعاۋ, سۋ تاسقىندارىنا قارسى گيدروتەحنيكالىق قۇرىلىستار مەن باسقا دا اۋىل شارۋاشىلىعىن دامىتۋ ماسەلەلەرىن زاڭنامالىق رەتتەۋ ماسەلەلەرىنە ەرەكشە نازار اۋدارىلدى. سونىمەن قاتار, پارلامەنتارالىق ىنتىماقتاستىقتى كەڭەيتۋ مەن تاجىريبە الماسۋ قاجەتتىلىگى دە ايتىلدى.
سونداي-اق, ءوز كەزەگىندە قوناقتار قازاقستاننىڭ دامۋ قارقىنىنا توقتالىپ, ءبىزدىڭ ەلمەن ىنتىماقتاستىقتى تەرەڭدەتۋگە قىزىعۋشىلىق ءبىلدىردى.